દિલ્હીના જામિયા યુનિવર્સિટી બહાર ફાયરિંગનો બનાવ બન્યો છે. ગેટ નંબર 5 બહાર 2 અજાણ્યા શખ્સોએ ફાયરિંગ કરતાં ચકચાર મચી હતી. મોપેડ પર આવેલા શખ્સો ફાયરિંગ કરીને ફરાર થઈ ચૂક્યા હતા. લાલ જેકેટમાં એક શખ્સ હોવાનો સાક્ષીઓનો દાવો છે. ઘટનાને પગલે જામિયા મિલ્લિયા યુનિવર્સિટીની બહાર લોકોનું પ્રદર્શન યોજાયું છે. અજાણ્યા શખ્સો વિરુદ્ધ ફરિયાદ નોંધવામાં આવી છે.
દિલ્હીની જામીયા યુનિવર્સિટી બહાર ફાયરિંગ
2 અજાણ્યા શખ્સોએ ફાયરિંગ કર્યુ
મોપેડ પર આવેલા શખ્સો ફાયરિંગ કરીને ફરાર
જામિયા કોઓર્ડિનેશન કમિટીએ જણાવ્યું છે કે જામિયા મિલ્લિયા ઈસ્લામિયાના ગેટ નંબર 5 પર ફાયરિંગ થયું હતું. ફરાર થતાં 2 અજાણ્યા શખ્સોને સાક્ષીઓએ જોયા હતા. રિપોર્ટના અનુસાર આ શંકાસ્પદમાં એક વ્યક્તિએ લાલ રંગનું જેકેટ પહેર્યું હતું અને લાલ રંગની સ્કૂટી ચલાવી રહ્યો હતો. સ્કૂટીનો નંબર 1532 જણાવવામાં આવી રહ્યો છે. જો કે આ ઘટનામાં કોઈના ઘાયલ થવાની સૂચના મળી નથી. ફાયરિંગની ઘટના બાદ જામિયા નગર પોલીસની બહાર જામિયાના વિદ્યાર્થીઓ એકઠા થયા હતા. જેને લઈને પોલિસે ફરિયાદ નોંધી હતી.
Delhi: Students of Jamia Millia Islamia University and others gather outside Jamia Nagar Police station. An incident of firing near gate number 5 of the university, by two scootey-borne unidentified people, was reported earlier tonight. No injuries were reported in the incident. pic.twitter.com/XDlgqxmBQK
જામિયા નગર એસએચઓએ પોતાની ટીમની સાથે જગ્યાઓની તપાસ કરી હતી. અહીં ખાલી કારતૂસ મળી નથી. આ સિવાય તેમના વાહનને લઈને પણ અલગ અલગ વાત જાણવા મળી રહી છે. કોઈ કહે છે કે આ અજાણી વ્યક્તિઓ મોપેડ પર આવ્યા હતા તો કોઈ કહે છે ગાડીમાં આવ્યા હતા. વિદ્યાર્થીઓ સહિત અનેક લોકો પોલીસ સ્ટેશનની બહાર જમા થતા કાર્યવાહી હાથ ધરવામાં આવી છે. કાયદાકીય રીતે તપાસ અને કાર્યવાહી કરવામાં આવશે. આ માટે આસપાસના સીસીટીવીની તપાસ પણ કરવામાં આવશે.
#WATCH Delhi: People gather in protest outside Jamia Millia Islamia University following an incident of firing at gate no.5 of the university. 2 scooty-borne unidentified people had fired bullets at the spot. SHO (Station house officer) is present at the spot. Investigation is on pic.twitter.com/EKlxQPBVum
જામિયા અને શાહીનબાગમાં ફાયરિંગની આ પહેલાં 2 ઘટનાઓ બની ચૂકી છે. પહેલી ઘટના 30 જાન્યુઆરીની છે જ્યારે જામિયા મિલ્લિયા ઈસ્લામિયાની બહાર નાગરિકતા સંશોધન કાયદાને લઈને પ્રદર્શન કરી રહેલા વિદ્યાર્થીઓ પર ગોપાલ નામના એક યુવકે ગોળી ચલાવી હતી. તેમાં એક વિદ્યાર્થી ઈજાગ્રસ્ત થયો હતો.
અન્ય ઘટના 1 ફેબ્રુઆરીએ શાહીનબાગમાં બની હતી. શાહીનબાગમાં નાગરિકતા કાયદાની વિરુદ્ધમાં પ્રદર્શન સ્થળથી થોડા અંતરે કપિલ નામના યુવકે ફઆયરિંગ કર્યું. તેણે કહ્યું દેશમાં કોઈનું ચાલશે નહીં. ફક્ત હિંદુઓનું જ ચાલશે. તે હાલમાં પોલીસની કસ્ટડીમાં છે.