BCAS એટલે કે નાગરિક ઉડ્ડયન સુરક્ષા બ્યૂરોએ નવો નિયમ બહાર પાડ્યો છે. જેમાં 10 ઓગસ્ટથી 30 ઓગસ્ટ સુધી દરેક મુસાફરોએ ડોમેસ્ટિક ફ્લાઈટ્સ માટે 3 કલાક પહેલાં તો ઇન્ટરનેશનલ માટે 4 કલાક પહેલાં એરપોર્ટ પહોંચવું પડશે.
આ નિર્ણય ખાસ કરીને સ્વતંત્રતા દિવસની સુરક્ષાને લઈને લેવામાં આવ્યો છે. સામાન્ય સંજોગોમાં આ સમય ડોમેસ્ટિક ફ્લાઈટ્સ માટે 2 કલાકનો અને ઈન્ટરનેશનલ ફ્લાઈટ્સ માટે 3 કલાકનો હોય છે. અધિકારીઓને ખાસ સૂચના આપવામાં આવી છે કે એરપોર્ટમાં આવનારી દરેક ગાડીઓનું ચેકિંગ હાથ કરવામાં આવે. પછી તે ટર્મિનલની બહાર હોય કે પિક ડ્રોપ સર્વિસમાં કામ કરી રહી હોય. એટલું જ નહીં 30 ઓગસ્ટ સુધી એરપોર્ટ પર વિઝિટર પાસ નહીં આપવામાં આવે. તેમની એન્ટ્રી બંધ કરી દેવામાં આવી છે.
IGI Airport: Due to enhanced security arrangements, flyers are requested to reach Delhi Airport minimum 3 hours in advance for all domestic flights and 4 hours in advance for all international flights. pic.twitter.com/0ICIV29ggk
યાત્રીઓને બાદ કરીને પાયલટ, ક્રૂ સ્ટાફ, ગ્રાઉન્ડ સ્ટાફ સહિત દરેકની તપાસ કરવામાં આવશે. કોઈ નશામાં તો નથી ને તે પણ ચેક કરવામાં આવશે. BCASએ વધુમાં જણાવ્યું છે કે જો કોઈ બ્રેથ એનાલાઈઝર ટેસ્ટમાં નશાની હાલતમાં પકડાય છે તો તેની વિરુદ્ધમાં કાર્યવાહી કરવામાં આવશે. જો તે પાયલટ હશે તો તેનું લાયસન્સ રદ થશે. સાથે જ જે કર્મચારીઓ લાયસન્સ વિના કામ કરે છે તેને અસ્થાયી કે સ્થાયી રૂપે નોકરીથી બરતરફ કરવામાં આવશે.
નાગરિક ઉડ્ડયન સુરક્ષા બ્યૂરોએ હવાઈ મથકોને નિર્દેશ આપ્યા છે કે એરપોર્ટ પર ડ્રોન, મોડલ અને માઈક્રોલાઈટ એરક્રાફ્ટ પર નજર રાખે. દરેક એરપોર્ટ ક્વિક રિએક્શન ટીમ તૈયાર રાખે. આ સિવાય દિલ્હી એરપોર્ટના પાર્કિંગને લઈને પણ ખાસ નિર્દેશ આપ્યા છે કે આ દરેક નિયમ નવો નિયમ જાહેર ન કરાય ત્યાં સુધી માન્ય રહેશે.