IPLIN
 
  • Home
  • India
  • delhi 26th january violence accused iqbal singh and deep sidhu being taken from delhi police crime branch lal quila violence

26 જાન્યુઆરી હિંસા / ક્રાઈમ બ્રાન્ચની ટીમ દીપ સિદ્ધુ અને ઈકબાલ સિંહને લઈ લાલ કિલ્લે પહોંચી, સીન કર્યો રીક્રિએટ

Team VTV 02:26 PM, 13 Feb 21
Follow us
delhi 26th january violence accused iqbal singh and deep sidhu being taken from delhi police crime branch lal quila violence

26 જાન્યુઆરીની હિંસાના આરોપી ઈકબાલ સિંહ અને દીપ સિદ્ધુને લઈ ક્રાઈમ બ્રાન્ચ લાલ કિલ્લા પર પહોંચી સીન રી ક્રિએટ કરી ઘટનાની જાણકારી ભેગી કરી રહી છે.

  • ક્રાઈમ બ્રાન્ચ સીન રી ક્રિએટ કરી રહી છે
  • સિદ્ધુએ સોનીપતમાં પોતાનો મોબાઈલ બંધ કરી દીધો હતો
  •  સિદ્ધુએ વ્હોટ્સએપ તથા મેસેન્જર પર 2 ગ્રુપ બનાવી રાખ્યા છે

ક્રાઈમ બ્રાન્ચ સીન રી ક્રિએટ કરી રહી છે

26 જાન્યુઆરીની હિંસાના પગલે દિલ્હી પોલીસ અને ક્રાઈમ બ્રાન્ચની બન્ને ટીમો આરોપી ઈકબાલ સિંહ અને દીપ સિદ્ધુની પૂછપરછમાં લાગી છે. ક્રાઈમ બ્રાન્ચ સીન રી ક્રિએટ કરી ઘટનાની જાણકારી એકત્ર કરવામાં લાગી છે. જેનાથી જાણી શકાશે કે કેવી રીતે લોકો ત્યાં પહોંચ્યા, કેવી રીતે હિંસા થઈ, ક્યાં ક્યા ગયા અને કેવી રીતે હિંસા બાદ તેઓ પાછા ફર્યા.

સિદ્ધુએ સોનીપતમાં પોતાનો મોબાઈલ બંધ કરી દીધો હતો

આ પહેલા દીપ સિદ્ધુએ પોલીસન પુછપરછમાં અનેક ખુલાસા કર્યા છે.  દીપ સિદ્ધુએ જણાવ્યું કે લાલ કિલ્લા હિંસા બાદ સંદીપ સિંહ ઉર્ફે દીપ સિદ્ધુએ સોનીપતમાં પોતાનો મોબાઈલ બંધ કરી દીધો હતો. આ બાદ તેણે તેના ફિલ્મ ઈન્ડસ્ટ્રી સાથે જોડાયેલા લોકોના મોબાઈલ નંબરનો ઉપયોગ કર્યો હતો. તેણો આ લોકોના નામથી ફોન અનેક દિવસો સુધી ચલાવ્યા હતા.

સિદ્ધુએ વ્હોટ્સએપ તથા મેસેન્જર પર 2 ગ્રુપ બનાવી રાખ્યા છે

દિલ્હી પોલીસની ક્રાઈમ બ્રાન્ચમાં જાણવા મળ્યું છે કે દીપ સિદ્ધુએ વ્હોટ્સએપ તથા મેસેન્જર પર 2 ગ્રુપ બનાવી રાખ્યા છે. આ ગ્રુપમાં લખ્ખા સિઘાના અને જુગરાજ જેવા આરોપીઓ જોડાયેલા હતા. જુગરાજે જ લાલ કિલ્લાના પ્રાચીર પર ઝંડો ફરકાવ્યો હતો.

દીપના મોબાઈલને ફોરેન્સિક તપાસ માટે મોકલી દીધો છે

ક્રાઈમ બ્રાન્ચના પોલીસ અધિકારીઓના અનુસાર આ ગ્રુપ ઘણા પહેલા બનાવાયું હતું અને આ ગ્રુપમાં ષડયંત્રની ઘણી વાતો થતી હતી. પોલીસે દીપના મોબાઈલને ફોરેન્સિક તપાસ માટે મોકલી દીધો છે. જેથી એ જાણી શકાય કે વ્હોટ્સએપ ગ્રુમાં શું શુ વાતો થતી હતી.  પોલીસ અધિકારીઓના જણાવ્યાનુંસાર શરુઆતની તપાસ બાદ એવા સંકેત મળ્યા છે કે આરોપીઓએ ગ્રુપમાં જ લાલકિલ્લા હિંસા તથા લાલ કિલ્લાની પ્રાચીર પર ઝંડો ફરકાવવાનું ષડયંત્ર રહ્યુ હતુ. મોબાઈલની ફોરેન્સિક રિપોર્ટ આવ્યા બાદ જ આનો ખુલાસો થઈ શકશે.

દીપ સિદ્ધુ કરનાલમાં એક હોટલમાં રોકાય હતો

પોલીસ અધિકારીઓના જણાવ્યાનુંસાર દીપ સિદ્ધુ કરનાલમાં એક હોટલમાં રોકાય હતો. હકિકતમાં દીપ 26થી 27 જાન્યુઆરી સુધી 2 મોબાઈલ નંબરોનો ઉપયોગ કરી રહ્યો હતો. ખાસ કરીને 26 જાન્યુઆરીની સીડીઆરના માધ્યમથી દિલ્હી પોલીસ હિંસામાં તેમની હાજરીને સાબિત કરશે.

delhi 26th January Violence હિંસા દિલ્હી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ