કોરોના વાયરસના કારણે કોન્ટેક્ટલેસ પેમેન્ટ સિસ્ટમ વધી છે અને ઓનલાઇન ટ્રાંઝેક્શન વધ્યુ છે પરંતુ આ ઍપ્સ તમારા ફોનમાં છે તો ખાતુ ખાલી થઇ શકે છે.
સાઇબર ક્રાઇમના વધી રહ્યાં છે કિસ્સા
છેતરપિંડીથી બચવા આ ઍપ્સ કરો ડિલીટ
થર્ડ પાર્ટી ઍપ્સથી ન કરશો પેમેન્ટ
સાઇબર ક્રાઇમ વધી રહ્યાં છે તેને લઇને લોકોને એલર્ટ કરવામાં આવી રહ્યાં છે. તે સિવાય કેટલીક ઍપ્સ એવી છે જેને તમારા ફોનમાંથી કાઢી નાંખવી જરૂરી છે નહીંતર તમારુ ખાતુ ખાલી થઇ જશે.
તરત ડિલીટ કરી દો આ ઍપ
રિસર્ચમાં કહેવામાં આવ્યું છે કે, તમારા સ્માર્ટફોનમાં જો Cake VPN, Pacific VPN, eVPN, BeatPlayer, BeatPlayer, QR/Barcode Scanner MAX, eVPN, Music Player અને tooltipnatorlibrary ઍપ છે તો હાલ જ ડિલીટ કરી દો નહીતર તે ઍપ્સ દ્વારા તમારુ અકાઉન્ટ હૅક થવાની સંભાવનાઓ છે અને તમારુ ખાતુ ખાલી થઇ શકે છે.
આ રીતે થાય છે છેતરપિંડી
આ બધી મેલિસિયસ એપ્સ એન્ડ્રોઇડ ઍપ્સ છે. આ યુઝરના સ્માર્ટફોન્સમાં AlienBot Banker અને MRATને ઇન્સ્ટોલ કરી દે છે. આ એક એવુ મેલવેયર છે જે ફાઇનાન્સિયલ એપ્સની ડિટેઇલ્સ ચોરી કરી લે છે. આ એટલી સ્માર્ટ છે કે આસાનીથી ગૂગલને પણ છેતરી શકે છે. માત્ર એટલુ જ નહી આ ટૂ ફેક્ટર ઓથેન્ટિકેશન કોડને પણ ચોરી કરી શકે છે.
આ વાતનું રાખો ધ્યાન
સ્માર્ટફોનથી જો તમે ફાઇનાન્સિયલ ટ્રાંજેક્શન કરો છો તો હંમેશા ઓફિશ્યલ એપ્સ જ રાખો. એપ્સ કંપનીની વેબસાઇટ પર આપેલી લિંક દ્વારા ડાઉનલોડ કરો. છેતરપિંડીના કિસ્સા વધી રહ્યાં છે તેવામાં ઍપ્સને ડાઉનલોડ કરવાથી બચો.