ઉત્તરાખંડની એક મહિલાએ પોતાની તમામ સંપત્તિ કોંગ્રેસના પૂર્વ અધ્યક્ષ રાહુલ ગાંધીને આપી દીધી છે.
મહિલાએ પોતાની તમામ સંપત્તિ રાહુલ ગાંધીના નામે કરી દીધી
50 લાખની સંપત્તિ અને 10 તોલા સોનુ પણ આપ્યું
ગાંધી પરિવારને લઈને કહી આ વાત
ઉત્તરાખંડની એક મહિલાએ પોતાની તમામ સંપત્તિ કોંગ્રેસના પૂર્વ અધ્યક્ષ રાહુલ ગાંધીને આપી દીધી છે. દેહરાદૂનની એક 78 વર્ષિય મહિલાએ પોતાની તમામ સંપત્તિ રાહુલ ગાંધીના નામે કરી દીધી છે. તેમાં 50 લાખની સંપત્તિ સાથે સાથે 10 તોલા સોનુ પણ સામેલ છે.
મહિલા રાહુલ ગાંધીના વિચારોથી પ્રભાવિત થઈ
આપને જણાવી દઈએ કે, પાંચ રાજ્યોમાં થયેલી વિધાનસભા ચૂંટણીમાં કોંગ્રેસ પાર્ટીની ભૂંડી હાર થઈ છે. ત્યાર બાદ પાર્ટીમાં આંતરિક ખેંચતાણ પણ વધ્યો છે. આ તમામની વચ્ચે મહિલાએ રાહુલ ગાંધી અને તેમના વિચારોને દેશ માટે જરૂરી ગણાવ્યા હતા.
પુષ્પા નામની મહિલાએ 50 લાખની સંપત્તિ રાહુલને આપી દીધી
દહેરાદૂન નિવાસી 78 વર્ષિય મહિલા પુષ્પા મુન્જિયાલે પોતાની તમામ પ્રોપર્ટીના માલિક રાહુલ ગાંધીને બનાવી દીધા છે. તેમણે માલિકીનો હક રાહુલ ગાંધીના નામે કરતા દહેરાદૂન કોર્ટમાં વસિયત રજૂ કરી છે.
મહિલાનું કહેવુ છે કે, તે રાહુલ ગાંધીના વિચારોથી ખૂબ જ પ્રભાવિત થયા છે. એટલા માટે તેમણે આ સંપત્તિ રાહુલ ગાંધીના નામે કરી છે. મહિલાની સંપત્તિમાં 50 લાખની ચલ અચલ સંપત્તિ અને 10 તોલા સોનુ છે.
ગાંધી પરિવારે દેશ માટે આપી છે કુરબાની
આ બાબતને લઈને કોંગ્રેસના શહેર અધ્યક્ષ લાલચંદ શર્માએ કહ્યું કે, મહિલાએ રાહુલ ગાંધીના નામ પર પોતાની સંપત્તિનું વસિયતનામૂ પૂર્વ પ્રદેશ અધ્યક્ષ પ્રીતમ સિંહના નિવાસ સ્થાને જઈને સોંપ્યું હતું. કોંગ્રેસ મહાનગર અધ્યક્ષ લાલંચદ શર્માએ જણાવ્યું હતું કે, મહિલાએ કહ્યું કે, રાહુલ ગાંધીના પરિવારે દેશની આઝાદીથી લઈને આજ સુધી હંમેશા આગળ વધીને દેશ માટે પોતાની સર્વોચ્ચ કુરબાની આપી છે. પછી ભલેને ઈંદિરા ગાંધી હોય, રાજીવ ગાંધી હોય. તેમણે આ દેશની એકતા અને અખંડિતતા માટે પોતાના પ્રાણની આહુતી આપી છે.