ખુશખબર / ભારતીય નૌસેના દ્વારા વિકસાવવામાં આવેલી સસ્તી પીપીઈની પેટર્ન્ટ લેવાઈ, આપણને થશે આ ફાયદો

• નૌસેનાએ ખાસ ક્વોલીટી વાળી પીપીઈ બનાવી
• સંરક્ષણ મંત્રાલયે તેની પેટર્ન્ટ કરાવી
• આ પીપીઈ સસ્તી અને સરળતાથી શ્વાસ લઈ શકાય તેવી છે

આ સિદ્ધિ બાદ નૌસેનાએ એક નિવેદનમાં જણાવ્યું છે કે, " તાજેતરમાં મુંબઇની ઇન્સ્ટિટ્યૂટ ઓફ મેડિસિનમાં વિકસિત ઇનોવેશન સેલમાં હાજર નેવી ડોકટરો દ્વારા આ સસ્તી પીપીઈ બનાવવામાં આવી છે." મુંબઈના નૌસેનાના ડોકયાર્ડમાં પણ પી.પી.ઇ.ની પ્રાયોગિક કન્સાઈનમેન્ટ બનાવવામાં આવી છે.

નૌસેનાએ ગુરુવારે કહ્યું કે સંરક્ષણ મંત્રાલયે કોરોના વાયરસ રોગચાળા વચ્ચે મોટા પાયે સસ્તા ઉત્પાદન તરફ એક પગલું ભર્યુ છે. તેમજ વિકસિત કરેલા સસ્તા પીપીઈને સફળતાપૂર્વક પેટન્ટ બનાવ્યું છે. નૌસેનાએ કહ્યું કે સંરક્ષણ મંત્રાલયે વિજ્ઞાન અને ટેક્નિકલ મંત્રાલય હેઠળના એક સાહસ રાષ્ટ્રીય સંશોધન વિકાસ નિગમ (એનઆરડીસી)એ પેટન્ટ ફાઇલ કર્યું છે.

તેમાં કહેવામાં આવ્યું છે કે, ભારતીય નૌકાદળ દ્વારા વિકસિત મેડિકલ પી.પી.ઇ.ના ઝડપથી ઉત્પાદન માટેના મુખ્ય પગલા તરીકે સંરક્ષણ મંત્રાલયના બૌદ્ધિક સંપત્તિ સુવિધા યુનિટ દ્વારા સફળતાપૂર્વક રાષ્ટ્રીય સંશોધન વિકાસ નિગમના સહયોગથી પેટન્ટ દાખલ કરવામાં આવી છે. નૌકાદળના જણાવ્યા અનુસાર, તેનું પીપીઈ બજારમાં ઉપલબ્ધ પીપીઈ કરતા વધારે સલામતી અને શ્વાસ લેવામાં સરળ સુવિધા આપે છે. ઈન્ડિયન કાઉન્સિલ ઓફ મેડિકલ રિસર્ચ દ્વારા માન્યતા આપવામાં આવેલી પરીક્ષણ લેબે આ ટક્નોલોજીને યોગ્ય ગણાવી છે.