મંજૂરી / જળ-વાયુ-જમીનમાં વધશે દેશની તાકાત, 22,800 કરોડ રૂપિયાની કિંમતના ખરીદાશે હથિયારો

• ચીન પાકિસ્તાન માટે હિન્દ મહાસાગરમાં હિન્દુસ્તાની હંટર છે P-8i
• સૌથી આધુનિક સમુદ્રી પેટ્રોલિંગ એરક્રાફ્ટ જે હિન્દ મહાસાગરમાં તૈનાત
• સમુદ્રની ઉંડાઇમાં દુશ્મનની સબમરીનોને શોધીને નસ્તેનાબૂદ કરે છે

P-8i અમેરિકા પાસેથી ખરીદવામાં આવેલ હથિયારોથી સજ્જ મોનીટરીંગ વિમાન છે જે હિન્દ મહાસાગરનું સૌથી મોટું રક્ષક છે. હિન્દ મહાસાગરમાં P-8iની તૈનાતી ચીન પાકિસ્તાન માટે મુશ્કેલી સમાન છે કારણ કે ચીન સમુદ્રમાં પોતાના વર્ચસ્વ માટે ચાલાકી કરતુ રહ્યું છે અને P-8i એ છે જે સમુદ્રની ઉંડાઇમાં દુશ્મનની સબમરીનોને શોધીને નસ્તેનાબૂદ કરે છે એટલે ચીન પાકિસ્તાન માટે હિન્દ મહાસાગરમાં હિન્દુસ્તાની હંટર છે P-8i.

Defence Acquisition Council (DAC), chaired by Defence Minister Rajnath Singh met today and has accorded approval for capital procurement for the services amounting to over Rs 22,800 crore. (file pic) pic.twitter.com/ojN0ed5va1

— ANI (@ANI) November 28, 2019

ભારતીય નેવી પોસાઇડન-8i એરક્રાફ્ટની મદદથી હિન્દ મહાસાગર પર પોતાનો દબદબો બનાવેલ છે. સૌથી આધુનિક સમુદ્રી પેટ્રોલિંગ એરક્રાફ્ટ જેને હિન્દ મહાસાગરમાં તૈનાત કરી દીધું છે. આને P-8i એટલે પોસાઇડન-8i એરક્રાફ્ટ કહે છે. 

રક્ષા વિશેષજ્ઞોનું કહેવું છે કે આ એરક્રાફ્ટ બેધારની તલવારની જેમ છે જે એન્ટી સબમરીન અને એન્ટી સપાટી યુદ્ધને અંજામ આપવામાં સક્ષમ છે. એટલે પોસાઇડન-8i હવામાં ઉડતા સમુદ્રના ઉંડાણમાં સબમરીન અને સપાટી પર હાજર દુશ્મનોના જહાજોનું નામોનિશાન મિટાવી શકે છે. જ્યારે P-8i એરક્રાફ્ટ હવામાં હોય છે તો દુશ્મનની સબમરીનને છુપાઇ રહેવાની તમામ સંભાવનાઓ પૂર્ણ થઇ જાય છે.

P8-iને સબમરીન હંટર અને સબમરીન કિલર પણ કહેવામાં આવે છે. આ એક વખત 907 કિલોમીટર પ્રતિ કલાકની ગતિથી 2 હજાર કિલોમીટર સુધી ઉડી શકે છે. P-8iમાં જ બનેલ કમાન્ડ સેન્ટરને જ્યારે દુશ્મનની હલચલ દેખાય છે તરત જમીન પર હાજર કમાન્ડ સેન્ટર પણ તાત્કાલિક એક્ટિવેટ થઇ જાય છે અને થોડી જ મીનિટોમાં P-8iને દુશ્મનોને રોકવા માટે રવાના કરી દેવામાં આવે છે.