OMG / દેવામાં ડૂબેલા અનિલ અંબાણીનું ઘર અને તેની કિંમત જોઈને આંખો ફાટી જશે

યસ બેન્કે મુંબઇના સાંતાક્રુઝ વિસ્તારમાં અનિલ અંબાણીના મુખ્ય કાર્યાલય પર કબજો કર્યો છે. 2,892 કરોડ રૂપિયાની લોન ભરપાઈ કરવામાં અનિલ નિષ્ફળ ગયા પછી બેંકે આ કાર્યવાહી કરી છે. અનિલ અંબાણીની કંપની અનિલ ધીરૂભાઇ અંબાણી ગ્રુપ (ADAG) પર કુલ રૂપિયા 12,000 કરોડથી વધુનું દેવું ચૂકવવાનું બાકી છે. તાજેતરમાં જ બ્રિટનમાં દેવા સંબંધિત કેસની સુનાવણી દરમિયાન અનિલ અંબાણીએ કહ્યું હતું કે તેની નેટવર્થ ઝીરો છે. જો કે, આ કટોકટીથી ઘેરાયેલા અને તેની મિલકતો વેચવાની ફરજ પડેલા અનિલ અંબાણીની લાઈફસ્ટાઇલ હજુ પણ લક્ઝરી છે. તે જે મકાનમાં રહે છે તે ઘર પણ કોઈ મહેલ જેવું છે અને તેની કિંમત રૂપિયા 5,000 કરોડની જેટલી છે.

મુંબઈના પાલી હિલ વિસ્તારમાં અનિલ અંબાણીનું આલીશાન ઘર છે

બિઝનેસ ઇન્સાઇડરના એક રિપોર્ટ અનુસાર, મુંબઈના પાલી હિલ વિસ્તારમાં અનિલ અંબાણીનું ઘર 66 મીટર ઊંચું છે. આ સિવાય તે 16,000 સ્કવેર ફૂટમાં બનાવવામાં આવ્યું છે. અહેવાલો અનુસાર, અનિલ અંબાણી તેની ઊંચાઈ 150 મીટર રાખવા માગતા હતા, પરંતુ અધિકારીઓ દ્વારા મંજૂરી આપવામાં આવી ન હતી.

અનેક આધુનિક સુવિધાઓથી સુસજ્જ છે મકાન 

આ મકાનમાં જીમ, સ્વિમિંગ પૂલ સહિતની ઘણી આધુનિક સુવિધાઓ છે. ફાઇનાન્શિયલ સર્વિસિસ કંપની IIFLએ જાન્યુઆરી 2018માં ભારતના સૌથી મોંઘા મકાનોની સૂચિમાં અનિલ અંબાણીના નિવાસસ્થાનને બીજો ક્રમ આપ્યો હતો. IIFL વેબસાઇટ અનુસાર અનિલ અંબાણીના ઘરની કિંમત 5,000 કરોડ રૂપિયાથી વધુ છે.

દેશનું સૌથી મોટું ઘર છે તેમના મોટા ભાઈ મુકેશ અંબાણીનું 

તે જ સમયે, દેશમાં સૌથી મોંઘુ મકાન તેમના મોટા ભાઇ રિલાયન્સ ઇન્ડસ્ટ્રીઝના વડા મુકેશ અંબાણીનું છે. મુકેશ અંબાણીનું ઘર એન્ટિલિયા 4 લાખ સ્કવેર ફૂટમાં આવેલું છે. ત્રીજા નંબરે જે કે હાઉસ છે, જેની કિંમત લગભગ 710 કરોડ રૂપિયા છે. તે જ સમયે, મહિન્દ્રા એન્ડ મહિન્દ્રા ગ્રુપના અધ્યક્ષ આનંદ મહિન્દ્રાના ઘરની કિંમત 250 કરોડ રૂપિયા છે.

યસ બેન્કે આ મિલકતોનો પણ કબજો લીધો

નોંધનીય છે કે યસ બેન્કે અનિલ અંબાણીના મુખ્યાલય 'રિલાયન્સ સેન્ટર'નો કબજો લીધો છે, જેની કિંમત આશરે 2 હજાર કરોડ રૂપિયાની હોવાનું માનવામાં આવે છે. 21,000 સ્ક્વેર ફુટના આ મુખ્ય મથક સિવાય યસ બેન્કે દક્ષિણ મુંબઈમાં સ્થિત નાગિન મહલની બે માળની બેંકોને પણ પોતાના નિયંત્રણ લઈ લીધી છે.