નવી દિલ્હી / આ કારણે મનોજ તિવારીએ કેજરીવાલને મોકલી કાયદાકીય નોટિસ, આટલા કરોડ રૂપિયાનું માંગ્યું વળતર

• મનોજ તિવારીનો કેજરીવાલ પર આ વાતને લઈને કર્યો પ્રહાર
• અરવિંદ કેજરીવાલને માનહાનિની ​​કાયદાકીય નોટિસ મોકલી
• નોટિસમાં 500 કરોડ રૂપિયાના વળતરની માંગ કરી 

મનોજ તિવારીએ કહ્યું છે કે ખોટું બોલનારી મશીન તરીકે જાણીતી આમ આદમી પાર્ટીના પ્રમુખ અરવિંદ કેજરીવાલનો ચહેરો હવે સામે આવ્યો છે. કલાકાર તરીકે મેં જે ફિલ્મો કરી છે અને ગીતો ગાયા છે તેની ક્લિપિંગ અને ફોટોને એડિટ કરીને આમ આદમી પાર્ટીના થીમ સોન્ગ પર લગાવવામાં આવ્યા છે અને સાથે જ કેજરીવાલે પોતાના લેવલને સાબિત કર્યું છે. 

#LageRahoKejriwal song is so good even sir @ManojTiwariMP is also dancing on it. pic.twitter.com/Ye3077PMK4

— AAP (@AamAadmiParty) January 11, 2020

તિવારીએ કેજરીવાલ પર કર્યા તીખા પ્રહાર

તેઓએ વધુમાં કહ્યું કે થીમ સોન્ગ પર મારો ફોટો લગાવીને પ્રસારિત કરવાનો હક આમ આદમી પાર્ટીને કોણે આપ્યો, શું કેજરીવાલને ખબર નથી કે વ્યાવસાયિક ધોરણે કોઈનો ફોટો તેની પરમિશન વિના ઉપયોગમાં લઈ શકાતો નથી. 

સભામાં ભીડ એકઠી કરવા કેજરીવાલે કર્યું આ કામ

કેજરીવાલ વિધાનસભાની ચૂંટણીમાં પોતાની હારને લઈને ચિંતામાં આવી ચૂક્યા છે. પોતાની જાહેરાતો માટે તેઓ હવે બાળકો, મજૂરો, મહિલાઓના ફોટો અને વીડિયોનો પણ ઉપયોગ કરી રહ્યા છે. પોતાની સભામાં ભીડ દેખાડવા માટે બહારથી લોકોને લાવી રહ્યા છે. 

મળતી માહિતી અનુસાર પોતાની આ હરકતોથી આમ આદમી પાર્ટીએ ફરી એકવાર નિમ્મ સ્તરની રાજનીતિનો પરિચય આપ્યો છે. તેમનો પૂર્વાંચલ વિરોધી ચહેરો પણ જોવા મળ્યો છે.