રાજકારણ / ભાજપને આપ નહીં 'આપણાં' જ નડશે: વધુ બે બેઠકો પર દિગ્ગજ નેતાઓએ લીધો મોટો નિર્ણય

• ભાજપને આપ નહીં 'આપણાં' જ નડશે!
• ડીસામાં લેબજી ઠાકોર ભરશે અપક્ષમાંથી ફોર્મ
• બાયડ બેઠક પર ધવલસિંહ ઝાલાએ ઉઠાવ્યું ફોર્મ

ગુજરાત વિધાનસભા ચૂંટણીના નગારે ઘા વાગી ગયા છે. હવે બરાબરનો રાજકીય રંગ જામ્યો છે. એવામાં તમામ રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે. ભાજપ, કોંગ્રેસ અને આમ આદમી પાર્ટીના ઉમેદવારોએ પોતાના ઉમેદવારી પત્ર ભરી રહ્યાં છે. તમામ રાજકીય પક્ષોમાં ટિકિટ ન મળતા  પક્ષપલટો અથવા પક્ષમાં રાજીનામાની વણજાર કે અપક્ષ ઉમેદવારીને લઈ માહોલ ગરમાયો છે રાજકીય પક્ષોમાં નારાજગીને લઈ એક સાંધે ત્યાં તેર તૂટે જેવો દાવ થયો છે. નારાજ થયેલા કરજણના નેતા સતીશ નિશાળિયાને ભાજપે માનાવ્યા છે પરંતુ વધુ બે જગ્યાથી સમાચાર મળી રહ્યાં છે કે, ભાજપે ટિકિટ ન બે જગ્યાથી નેતાઓ અપક્ષ ઉમેદવારી નોંધાવી રહ્યાં છે.
  
ડીસામાં લેબજી ઠાકોર ભરશે અપક્ષમાંથી ફોર્મ
ભાજપમાં નેતાઓની નારાજગી વધી રહી છે એકને મનાવે ત્યાં તો બીજો રિસાય તેવુ માહોલ સર્જાયો છે. ટિકિટ ન મળતા વધુ એક નેતા અપક્ષના સહારે ગયા છે. ડીસાના લેબજી ઠાકોર અપક્ષમાંથી ફોર્મ ભરશે. લેબજી ઠાકોર મોટી સંખ્યામાં સમર્થકો સાથે ફોર્મ ભરશે. ટિકિટ ન મળતા પક્ષથી લેબજી ઠાકોર નારાજ હતા.  ડીસા ભાજપના ઉમેદવાર પ્રવિણ માળી છે 

બાયડ બેઠક બનશે પ્રતિષ્ઠાનો જંગ
ભાજપ નેતા ધવલસિંહ ઝાલાએ ઉઠાવ્યું ફોર્મ. નારાજ ધવલસિંહ ઝાલા અપક્ષમાંથી ઉમેદવારી કરી શકે છે. સમર્થકો સાથે ગતરાત્રે મોટી બેઠક કરી હતી.ટિકિટ ન મળતા ધવલસિંહે વિરોધ પણ નોંધાવ્યો હતો. બાયડ બેઠક પર ભાજપે ભીખીબેન પરમારને ટિકિટ આપી છે.

વાઘોડિયાથી મધુ શ્રીવાસ્તવ પણ મેદાને
વડોદરામાં દબંગ ધારાસભ્યની છાપ ધરાવતા વાઘોડિયાના મધુ શ્રીવાસ્તવ જેઓ અવાર નવાર તેઓની વિવાદિત નિવેદનોને લઈને ચર્ચામાં આવતા હોય છે. જેઓને ટિકિટ ન આપી ભાજપ દ્વારા જીલ્લા પ્રમુખ અશ્વિન પટેલને ટિકિટ આપતા મામલો ગરમાયો છે. મધુ શ્રીવાસ્તવની ઓફીસે બેઠક મળી હતી. જે બેઠકમાં નિર્ણય કરવામાં આવ્યો હતો મધુ શ્રીવાસ્તવ અપક્ષ ઉમેદવારી નોંધાવશે.  ત્યારે વધુમાં તેમણે જણાવ્યું હતું કે વર્ષો થી પાર્ટીએ કામ કર્યું પણ પાર્ટી એ મારી કદર ના કરી. આ નિર્ણય કાર્યકર્તાઓ સાથેની મીટીંગ બાદ લીધો છે. ત્યારે તેમણે પક્ષને ફેર વિચારણા કરવા કહ્યું હતું.