દુર્ઘટના / બાડમેરથી દર્શન કરીને પરત આવતા ડીસાના પરિવારને નડ્યો અકસ્માત, 4ના કરુણ મોત, પોલીસે મૃતકોની કરી ઓળખ

• ડીસાના એક પરિવારને રાજસ્થાનમાં નડ્યો અકસ્માત
• અકસ્માતમાં એક જ પરિવારના 4 લોકોના મોત 
• બોલેરો અને ટ્રેક સામ સામે ટકરાતા થયો અકસ્માત 

રાજસ્થાનના બાડમેર જિલ્લાના સિણધરી વિસ્તારમાં સોમવારે એક ટ્રક અને બોલેરોની આમને સામને ભયંકર ટક્કર થઇ હતી. જે અકસ્માતનો ભોગ ગુજરાતનો એક પરિવાર બન્યો છે. આ અકસ્માતમાં 2 મહિલા સહિત 4 લોકોના મોત થયા જ્યારે અન્ય 5 લોકો ઇજાગ્રસ્ત થયા છે. જેની પોલીસે માહિતી આપી છે.

પોલીસ અધિકારી બલદેવ ચૌધરીના જણાવ્યા અનુસાર, બોલેરો કારમાં સવાર એક જ પરિવારના તમામ લોકો ગુજરાતના ડીસાથી બાડમેરમાં જસાલ ધામના દર્શને ગયા હતા. ત્યારબાદ તેઓ પરત ફરી રહ્યા હતા. 

મૃતકોના નામ(પોલીસના જણાવ્યા અનુસાર)

1. ગોમતી સુથાર
2. ચેનાભાઈ સુથાર
3. ભાવનાબેન
4. કાનાભાઈ

પોલીસ અધિકારી ચૌધરીએ જણાવ્યું કે, દુર્ઘટનામાં દેવારામ સુથાર, કપૂરભાઈ સુથાર, ભરતભાઈ સુથાર, મોહનભાઈ સુથાર અને હિમાંક્ષીને સારવાર માટે સિણધરી હોસ્પિટલમાં દાખલ કરવામાં આવ્યા છે. તેમણે જણાવ્યું કે, મૃતદેહોને પોસ્ટમોર્ટમ માટે હોસ્પિટલ રાખવામાં આવ્યા છે. પરિવારજનોના અહીં પહોંચવા પર પોસ્ટમોર્ટમ કરવામાં આવશે.

બોલેરો અને ટ્રક વચ્ચે ભયંકર ટક્કર થઇ હતી કે બોલેરોનો કચ્ચરઘાણ વળી ગયો હતો. અકસ્માત સર્જાતા આસપાસના લોકો દોડી આવ્યા હતા.