ટાયર ફાટ્યું / ગુજરાતીઓને રાજસ્થાનમાં નડ્યો ગમખ્વાર અકસ્માત, ડીસાના 2 લોકોના મોત, અન્ય ગંભીર ઇજાગ્રસ્ત

• રાજસ્થાનના પિંડવાડામાં કારનો અકસ્માત
• અકસ્માતમાં 2ના મોત
• કાર સવારો ડીસાના હોવાનુ ખુલ્યુ

ગુજરાતમાં અકસ્માતના બનાવોમાં એકાએક વધારો થયો છે. કોઈને ટક્કરથી તો કોઈ અડફેટથી મોતને ભેટી રહ્યું છે. રાજસ્થાનના પિંડવાડા નજીક કારને અકસ્માત નડ્યો છે જેમાં બે ના મોત અન્ય લોકો ગંભીર રીતે ઘાયલ થયા છે.કારમાં સવાર લોકો ડીસાના રહેવાસી હોવાનું ખુલ્યુ છે. 

રાજસ્થાનના પિંડવાડા નજીક બેનલા આ ગોઝારા બનાવમાં કાર સ્પીડમાં જઈ રહી હતી અચાનક જ કારનું ટાયર ફાટતા ડ્રાઈવરે કાબૂ ગુમાવી દીધો હતો અને કાર ડિવાઈડર સાથે ટકરાઇ પલટી મારી ગઈ હતી. સમગ્ર ઘટના એટલી ભયાવહ હતી કે કારના કુરચે કુરચા ઉડી ગયા હતા.ઘટના સ્થળે જ 2 લોકોના કમકમાટી ભર્યા મોત નિપજ્યાં હતા. 

પોલીસે શરૂ કરી તપાસ
અકસ્માતની જાણ થતાં જ લોકોના ટોળે ટોળા ઘટના સ્થળ પર આવી ગયા હતા. અને ટ્રાફિક જામના દ્રશ્યો સર્જાયા હતા. સમગ્ર બનાવ અંગે પોલીસને પણ જાણ કરવાં આવતા દુર્ઘટના સ્થળે તાબડતોબ આવી પહોંચી હતી. બનાવ સ્થળે જ મૃત્યુ પામેલા 2 લોકોને પોસ્ટમોર્ટમ અર્થે હોસ્પિટલ ખસેડયા હતા. મૃતક બંનેના પરિવારમાં હાલ શોકનો માહોલ છે. 

રોડ-રસ્તા વિષે આ નિયમ પણ જાણી લેવા જરુંરી

• ક્યાં બનાવી શકાય બમ્પ?
• સ્કૂલ-કોલેજ, ધાર્મિક સ્થળ નજીક બમ્પ મુકાય 
• ટોલ બૂથ, સાંકડો પુલ હોય ત્યાં બમ્પ મુકી શકાય
• રહેણાંક વિસ્તાર માટે સ્પીડ બ્રેકર્સનો ઉપયોગ
• શહેરી હદ બહાર, હાઈસ્પીડ રસ્તા પર સ્પીડ બ્રેકર્સની જરૂર નહીં
• નાના રસ્તા મોટા રસ્તામાં ભલે તો સ્પીડ બ્રેકર મુકી શકાય
• બમ્પનું માપ કેટલું હોવું જોઈએ?  

સ્પીડ બ્રેકરની ઉંચાઈ 10 સેન્ટિમીટરથી વધુ ન હોવી જોઈએ

• સ્પીડ બ્રેકરની પહોળાઈ 5 મીટર હોવી જરૂરી છે 
• બે બમ્પ વચ્ચેનું અંતર 100થી 120 મીટર હોવુ જોઈએ
• વાહન ચાલકને આગળ બમ્પ છે એ ખ્યાલ આવે તે માટે સૂચક બોર્ડ જરૂરી
• ગેરકાયદે બમ્પથી નુકસાન શું?   

ઈમરજન્સી વાહનની ગતિ ધીમી પાડે છે 

• એમ્બ્યુલન્સ, પોલીસ, ફાયર બ્રિગેડના વાહનની ગતિ ધીમી પાડે
• બમ્પ પાસે ટ્રાફિક થાય, અચાનક બ્રેક મારવાનું કારણ બને છે
• દર્દી, વરિષ્ઠ નાગરિક, સગર્ભા સ્ત્રીને નુકસાન થઈ શકે 
• ગ્રાઉન્ડ ક્લિયરન્સ ઓછુ હોય તેવા વાહનને નુકસાન થઈ શકે
• કંટ્રોલ ગુમાવવાની ગંભીર અકસ્માત સર્જાઈ શકે