ઇટલીમાં શાહી અંદાજમાં લગ્ન કર્યા બાદ રણવીર-દીપિકા પોતાનાં દેશ પરત આવી ગઇ છે. ત્યારે હવે આ નવનવિવાહિત કપલ પોતાનાં ગ્રાન્ડ રિસેપ્શનની તૈયારીઓમાં જોડાઇ ગયેલ છે. 21 નવેમ્બરનાં રોજ બેંગલુરૂમાં Deepveerની રિસેપ્શન પાર્ટી યોજાવા જઇ રહી છે.
ત્યારે આને માટે બંને આજ સવારનાં જ બેંગલુરૂ જવા માટે રવાના થઇ ચૂકેલ છે. ફ્લાઇટ લેવા માટે મુંબઇ એરપોર્ટ પર દિપવીર પહોંચ્યાં ત્યારે તેઓ બંને ખૂબ સુંદર લાગી રહ્યાં હતાં. તો જુઓ તમે તમારા ફેવરિટ સ્ટાર્સની કેટલીક સુંદર તસ્વીરો...
દીપિકાએ તેનાં ફેવરિટ ડિઝાઇનર સબ્યસાચી મુખર્જીની ડિઝાઇન કરેલ ઓફ વ્હાઇટ અનારકલી સૂટ પહેરેલ હતો. એક્સેસરીઝ તરીકે તેઓએ કાનો પર મલ્ટીલેયર્ડ ગોલ્ડ ઇયરિંગની સાથે ગળામાં ખૂબ જ સુંદર એવું મંગળસૂત્ર પહેરીને રાખ્યું હતું.
રણવીરે પણ દીપિકા સાથે મેચ કરતા સબ્યસાચીનો સફેદ કુર્તો-પાયજામો પહેર્યો હતો. તેની ઉપર તેઓએ ફ્લોરલ નહેરૂ જેકેટ અને પગમાં જોધપુરૂ મોજડી પહેરી હતી. એકબીજા સાથે બંનેની જોડી એકદમ પરફેક્ટ રીતે મેચ લાગી રહી હતી.
બેંગલુરૂમાં બંને જણા ખૂબ ભવ્ય રિસેપ્શન યોજવા જઇ રહ્યાં છે. સાંભળવામાં એવું આવી રહ્યું છે કે લીલા પેલેસ હોટલમાં સારી એવી તૈયારીઓ પણ પહેલેથી જ થઇ ચૂકેલ છે. એવું જણાવવામાં આવી રહેલ છે કે બેંગલુરૂમાં યોજાનાર આ ભવ્ય રિસેપ્શનમાં માત્ર બંને પરિવારોનાં નજીકનાં અને કંઇક ખાસ મિત્રો જ શામેલ થશે. દિપવીર એક બીજું રિસેપ્શન પણ 28 નવેમ્બરનાં રોજ મુંબઇમાં પણ કરશે. મુંબઇનાં આ સમારોહમાં બોલીવુડનાં તમામ સેલિબ્રિટીઝ અને દેશની નામચીન હસ્તીએ પણ શામેલ થવાની ચર્ચા થઇ રહી છે.
દીપિકાનાં ચહેરા પર એક નવી જ દુલ્હનની જેમ ખુશી બિલકુલ સ્પષ્ટ જોવા મળી રહેલ છે. તેનો બ્લશ કરતો ચહેરો અને પ્રેમભરેલી મુસ્કાન સાથે એકદમ ઇન્ડીયન બ્રાન્ડ તે લાગી રહેલ છે. તો બીજી બાજુ રણવીરનાં ચહેરા પર પણ પહેલી વાર એક સાસરે જવાની એક અલગ જ ચમક નજરે જોવા મળી રહેલ છે. ઉલ્લેખનીય છે કે આ પહેલા તેઓએ ઇટલીમાં કોંકણી અને બાદમાં સિંધી રીતિ-રિવાજથી લગ્ન કર્યા હતાં. આ સમારોહમાં દીપિકા અને રણવીરનાં પરિવારનાં તમામ લોકો શામેલ હતાં.