ગજબ / મહિલા ક્રિકેટની જોન્ટી રોડ્સ! ચિત્તા જેવી છલાંગ લગાવીને ભારતીય ખેલાડીએ પકડ્યો કેચ, VIDEO જોઈને આંખો પહોળી થઈ જશે

• દિપ્તી શર્માએ કર્યો કમાલનો મેચ 
• કેચનો વિડીયો સોશ્યલ મીડિયા પર ખૂબ જ વાયરલ

કોમનવેલ્થ ગેમ્સ 2022માં ક્રિકેટ ઇવેંટના ફાઇનલમાં ભારતીય મહિલા ટીમ અને ઓસ્ટ્રેલીયા વચ્ચે એક રોમાંચક મેચ રમવામાં આવ્યો હતો. આ મેચ 7 ઓગસ્ટના રોજ બર્મિગહમના એજબેસ્ટનમાં મેચ રમવામાં આવ્યો હતો. જેમાં ભારતીય ટીમે 9 રનથી હારનો સામનો કરવો પડ્યો હતો. 

ફાઇનલમાં ભારતીય ટીમના બેટર અને બોલર બંનેએ તેનો પૂરો દમ બતાવ્યો હતો. છતાં પણ હારનો સામનો કરીને ગોલ્ડ મેડલ જીતવાનો ચાન્સ ગુમાવી દીધો હતો. મેચમાં દિપ્તી શર્માએ એક કેચ પકડ્યો હતો જેને જોઈને ત્યાં હાજર દરેક લોકો અચંબિત થઈ ગયા હતા. હાલ તેના એ કેચનો વિડીયો સોશ્યલ મીડિયા પર ખૂબ જ વાયરલ થઈ રહ્યો છે. લોકો તેના આ કેચની ખૂબ જ પ્રસંશા કરી રહ્યા છે. 

એક હાથે આ રીતે કેચ પકડ્યો 
આ કેચ દિપ્તીએ 18મી ઓવરમાં પકડ્યો હતો. સ્નેહા રાણા એ સમયે બોલિંગ કરી રહી હતી અને તેના ઓવરની એ બીજી બોલ હતી અને બેથ મુનિએ ડીપ મિડ-ઑનનો હવાઈ શૉટ રમ્યો હતો. તેને કેચ કરવા માટે દીપ્તિ પાછળ દોડી અને એ પછી હવામાં છલાંગ લગાવીને એક હાથે કેચ પકડ્યો હતો. એ સમયે મુનીએ 61 રન બનાવ્યા હતા. એ વિકેટ ભારતીય ટીમ માટે એ સમયે ખુબ જ ખાસ હતી. 

What a catch from Deepti Sharma One handed catch 😳🤯
One word for this catch 💞#INDvsAUS #IndianCricketTeam pic.twitter.com/hdZ5Lav9bV

— Honey Bae (@Honeybae44) August 7, 2022

હરમનપ્રીત કૌરેની શાનદાર બેટિંગ 
ઈંગ્લેન્ડના બર્મિગહમમાં આયોજયેલ કોમનવેલ્થ ગેમ્સ 2022ના ક્રિકેટ ઇવેંટમાં ભારતીય મહિલા ટીમ અને ઓસ્ટ્રેલીયા વચ્ચે રવિવારે મેચ રમાયો હતો. જો કે એ મેચમાં 9 રનથી ટીમ ઇન્ડિયાને હારનો સામનો કરવો પડ્યો હતો. મેચમાં ટોસ જીતીને પહેલા બેટિંગ કરવા માટે આવેલ ઓસ્ટ્રેલીયાની ટીમને 161 રન પર 8 વિકેટ લઈને ઇનિંગ પૂરી કરી હતી. પણ તેની સામે 19.3 ઓવરમાં 152 રન પર ઓલઆઉટ થઈ ગઈ હતી. ટીમ ઈન્ડિયા માટે કેપ્ટન હરમનપ્રીત કૌરે 43 બોલ પર 65 રનની શાનદાર ઇનિંગ રમી હતી. એ છતાં પણ ટીમ ઇન્ડિયાને જીત નહતી મળી.