બોલિવૂડમાં સુશાંત સિંહ રાજપૂત કેસમાં હવે દીપિકા પાદુકોણ પણ ઝપેટમાં આવી છે. જે ચૅટના કારણે દીપિકા આ કેસમાં ફસાઇ છે તે ચૅટને લઇને મોટો ખુલાસો થયો છે.
વ્હોટ્સઍપ ગ્રુપની એડમિન દીપિકા હતી
દીપિકાનો એક્ટિવ રોલ પણ સામે આવ્યો
દીપિકા સાથે સારા અને શ્રદ્ધા કપૂરની પૂછપરછ
2017ની એક ચૅટમાં દીપિકાએ કહ્યું હતુ કે માલ હે ક્યાં? તે ગ્રુપમાં જયા સાહા અને કરિશ્મા પણ હતા અને તે ગ્રુપની એડમિન દીપિકા હતી. જેથી દીપિકાની તકલીફો વધી શકે છે.
ડ્રગ્સ ચેટની વાત સ્વીકારી
સૂત્રોના મતે, રકુલે NCB સમક્ષ ડ્રગ્સ ચેટની વાત સ્વીકારી હતી. રકુલે કહ્યું હતું કે તેણે ક્યારેય ડ્રગ્સ લીધું નથી અને ડ્રગ્સ પેડલર્સ સાથએ તેનું કોઈ કનેક્શન નથી. આ ઉપરાંત રિયાએ 2018માં રિયા સાથે થયેલી ડ્રગ ચેટની વાત સ્વીકારી હતી. તેણે કહ્યું હતું કે તે ચેટમાં જે વાત થતી હતી તેમાં રિયાએ તેની પાસે ડ્રગ્સ માગ્યું હતું, કારણ કે રિયાએ તેના ઘરે ડ્રગ્સ મૂક્યું હતું.
રકુલ-કરિશ્માને સામે બેસાડી પૂછપરછ
રકુલ પ્રીત સિંહ તથા દીપિકાની મેનેજર કરિશ્મા પ્રકાશને સામસામે બેસાડીને NCB પૂછપરછ કરી હતી. માનવામાં આવે છે કે બંનેને જયા સાહાની ચેટ બતાવીને સવાલ કરવામાં આવ્યા હતાં.
કરિશ્માના ખુલાસા
થોડાં સમય પહેલાં દીપિકા-કરિશ્માની 28 ઓક્ટોબર, 2017ની વ્હોટ્સએપ ચેટ વાઈરલ થઈ હતી. હવે આ ચેટ અંગે મોટો ખુલાસો કરવામાં આવ્યો હતો. સૂત્રોના મતે, આ વ્હોટ્સએપ ગ્રુપમાં ત્રણ લોકો સામેલ હતા, જેમાં દીપિકા, મેનેજર કરિશ્મા પ્રકાશ તથા જયા સાહા હતા. આ ગ્રુપની એડમિન દીપિકા પાદુકોણ પોતે જ હતી.
વધી શકે છે દીપિકાની મુશ્કેલીઓ
શનીવારે NCBએ દીપિકાને પુછપરછ માટે બોલાવી છે ત્યાં ક્વાન કંપનીની મેનેજર કરિશ્મા સાથે શુક્રવારે સવાલ જવાબ કરવામાં આવશે. આ ઘટનાઓ બાદ જ્યારે આ વાત બહાર આવી કે ગ્રુપની એડમિન દીપિકા હતી તે વાત ઘણા સવાલ પેદા કરી રહ્યાં છે. અભિનેત્રી માત્ર વિવાદમાં સપડાઇ જ નથી પરંતુ સમગ્ર કિસ્સામાં તેનો એક્ટિવ રોલ પણ સામે આવ્યો છે. NCB આ મુદ્દે દીપિકાને કડક સવાલ પૂછી શકે છે.
NCBએ કસ્યો દીપિકા પર સકંજો
પહેલા દીપિકાની પૂછપરછ શુક્રવારે જ થવાની હતી પરંતુ બાદમાં નિર્ણય બદલવામાં આવ્યો કે તેને શનિવારે બોલાવવામાં આવશે. શુક્રવારે માત્ર રકુલ પ્રિત અને કરિશ્માની જ પૂછપરછ કરવામાં આવશે. રકુલની પૂછપરછ ઘણા લાંબા સમય સુધી ચાલી અને કરિશ્માની પણ પૂછપરછ થઇ રહી છે. આ વિવાદ જલ્દી નહી શમે અને હજુ ઘણા સેલેબ્સને બોલાવવામાં આવશે અને તેમની પૂછપરછ કરવામાં આવશે.
NCBએ એક લિસ્ટ તૈયાર કર્યુ છે જેમાં 50 સેલેબ્સના નામ સામેલ છે. 50 સેલેબ્સના લિસ્ટમાંથી 26 લોકોને સમન પાઠવવામાં આવ્યું છે.