દીપિકા પાદુકોણ અને રણવીર સિંહ ઇટાલીના લેક કોમો ખાતે 14-15 નવેમ્બરે લગ્નના બંધનમાં બંધાયા બાદ મુંબઇ પરત ફર્યા. બંને સ્ટાર્સની પહેલી ઝલક મેળવવા માટે ફેન્સ આતુરતાપૂર્વક રાહ જોઇ રહ્યાં હતા. રવિવારે સવારે 8 વાગ્યે દીપવીરને મુંબઇ એરપોર્ટ પર સ્પોટ કરવામાં આવ્યાં હતાં.
ઇટલીમાં લગ્ન કર્યા બાદ સ્વદેશ પરત ફરેલી દીપિકાનો લુક સિમ્પલ અને ટ્રેડિશનલ હતો. સિલ્ક કુર્તામાં દિપિકા ખૂબ જ સુંદર લાગી રહી હતી. તેના ગળમાં ખૂબસુરત મંગળસૂત્ર પણ જોવા મળી રહ્યું હતું.
રણવીર સિંહ સફેદ કુર્તા-પાયજામા અને પિન્ક જેકેટમાં હેન્ડસમ લાગી રહ્યો હતો. આ ન્યૂલી વેડ કપલના લગ્નનો જલસો લેક કોમો ખાતે 14 અને 15 નવેમ્બરના રોજ થયો હતો.
દીપવીરની તસવીરોએ માત્ર 15 કલાકમાં જ વિરુષ્કાનો રેકોર્ડ તોડી નાંખ્યો છે. દીપિકાના ઇન્સ્ટાગ્રામ એકાઉન્ટ પર શેર કરવામાં આવેલી તસવીરોને 15 કલાકમાં જ 49 લાખથી વધુ લાઇક્સ મળી છે. સાથે જ રણવીર સિંહને 34 લાખથી વધુ લાઇક્સ મળી છે.