બોલિવુડના સ્ટાર કપલ દીપિકા પાદુકોણ અને રણવીર સિંહએ લાંબા સમયના રિલેશનશિપ પછી લગ્ન કરવાનો નિર્ણય લીધો આ કપલે 14-15 નવેમ્બરના ઇટલીના લેક કોમો ખાતે લગ્ન કર્યા જે પછી બેંગ્લોર અને મુંબઇ ખાતે રિસેપ્શન પાર્ટી આપી હતી. લગ્ન પછી પણ આ કપલ પોતાના પ્રોફેશનલ અને પર્સનલ લાઇફને સતત સોશ્યલ મીડિયા પર ચર્ચામાં રહ્યુ.
જોકે બંનેના લગ્નને 54 દિવસ થઇ ચૂક્યા છે. એવામાં લોકો દીપિકાના પ્રેગ્નેન્સની લઇને સતત વાતો કરી રહ્યા છે. સોશ્યલ મીડિયા પર થયેલી ચર્ચા અનુસાર દીપિકા પાદુકોણ પ્રેગ્નેન્ટ છે ત્યારે પોતાની પ્રેગ્નેન્સનીને લઇને દીપિકાએ ચુપ્પી તોડી દીધી છે. તાજેતરમાં દીપિકાએ આપેલા એક ઇન્ટરવ્યૂમાં કહ્યુ કે ''મહિલાઓની ગર્ભાવસ્થાને લઇને ફેલાયેલી આ રૂઢિવાદી પરંપરાઓ પર વાત કરી કરવી જોઇએ.''
દીપિકાએ આગળ કહ્યુ કે ''મારા આ પ્રકારની અફવાહોનો સામનો કરવો પડશે. અમે સતત લોકોની નજરમાં છીએ એટલે અમારે આ અફવાહોનો સામનો કરવો પડશે. લોકો કંઇ પણ વિચાર્યા વગર જ અનુમાન લગાવી લે છે. ક્યારેક આ અનુમાન વાસ્તવિક રીતે ખરાં સાબિત થાય છે તો ઘણી વખત આ પ્રકારના અનુમાન સંપૂર્ણ રીતે ખોટા પડે છે. આપણે એક એવી દુનિયા સાથે જોડાયેલા છીએ જ્યાં આ પ્રકારની વાત થવી સામાન્ય છે. આ પ્રકારના વાતો પર ધ્યાન આપવાની જરૂર નથી જ્યારે મારી સાથે થવાનુ હશે.. ત્યારે થશે. લગ્ન પછી માતા બનવાની જવાબદારી સમાજમાં વધી રહી છે મેં આ પ્રકારની વાતો ઘણી મહિલાઓ પાસેથી સાંભળી છે.''
ઉલ્લેખનીય છે કે રણવીર સિંહ અને દીપિકા પાદુકોણે 14-15 નવેમ્બરના ખાતે ઇટાલીના લેક કોમો ખાતે ક્લોઝ ફ્રેન્ડ્સ અને રિલેટિવની હાજરીમાં લગ્ન કર્યા હતા. રણવીર-દીપિકા વચ્ચે 6 વર્ષની રિલેશનશિપ બાદ લગ્ન કર્યા. ઉલ્લેખનીય છે કે વર્ષ 2013માં બંને એકબીજા સાથે સંજય લીલા ભણસાલીની ફિલ્મ 'રામલીલા'માં કામ કર્યુ હતુ આ ફિલ્મના શૂટિંગ દરમિયાન તેમને ડેટિંગની શરૂઆત કરી હતી. આ કપલે 'રામલીલા' સિવાય 'બાજીરાવ મસ્તાની' અને 'પદ્માવત' જેવી ફિલ્મોમાં કામ કર્યુ હતુ.
આ સિવાય જો બંને સ્ટાર્સના વર્કફ્રન્ટની વાત કરવામાં આવે તો રણવીર સિંહની 'સિમ્બા' તાજેતરમાં રિલીઝ થઇ અને બોક્સ ઑફિસ પર ધૂમ... કમાણી કરી રહી છે. આ સિવાય રણવીર સિહં ઝોયા અખ્તરની ફિલ્મ ગલી બોયમાં જોવા મળશે જેમાં તેની સાથે આલિયા ભટ્ટ પણ છે. આ સિવયા દીપિકા પાદુકોણ ટૂંક સમયમાં મેઘના ગુલઝારની ફિલ્મ 'છપાક'નું શૂટિંગ શરૂ કરશે જેમાં તે એક એસિડ વિક્ટિમના કેરેક્ટરમાં જોવા મળશે.