બોલિવુડ એક્ટ્રેસ દીપિકા પાદુકોણ પોતાની અપકમિંગ ફિલ્મ 'છપાક' ના પ્રમોશનમાં બિઝી છે. આ ફિલ્મમાં તે એસિડ એટેક વિક્ટિમનું કેરેક્ટર પ્લે કરી રહી છે.
આ ફિલ્મના પ્રમોશન માટે તે કૉમેડિયન કપિલ શર્માના શો 'ધ કપિલ શર્મા શો' માં જોવા મળશે, જ્યાં દીપિકાએ પોતાની પ્રોફેશનલ લાઇફની સાથે સાથે પર્સનલ લાઇફને લઇને પણ ઘણી વાતો કરી.
ધ કપિલ શર્માના શોમાં દીપિકા પાદુકોણે કપિલ સાથે ઘણી મસ્તી કરી. આ દરમિયાન શોમાં જ્યારે કપિલે દીપિકાને લગ્ન જીવનને લઇને સવાલો કર્યા હતા. કપિલ પૂછ્યુ કે, શું તે સામાન્ય હાઉસ વાઇફની જેમ ઘરના તમામ કામ કરે છે? કપિલના આ સવાલનો દીપિકાએ એવા જવાબ આપ્યા કે ત્યાંના લોકો ખડખડાટ હસવા લાગ્યા હતા.
દીપિકાએ જણાવ્યુ કે, હા હું રોજ દૂધ ખરીદુ છું અને રોજના, અઠવાડિયાના અને મહિનાના સામાનનું લિસ્ટ પણ બનાવુ છું. કપિલે આગળ જણાવ્યુ કે, ''શું તે પોતાના પતિ રણવીર સિંહના પર્સમાંથી પૈસા કાઢે છે? કપિલની આ વાતનો જવાબ આપતા દીપિકાએ કહ્યુ કે, હા હું એક સામાન્ય હાઉસ વાઇફની જેવી છું અને તેના પર્સમાંથી પૂછ્યા વિના પૈસા કાઢી લઉ છું.'
દીપિકા પાદુકોણ અને વિક્રાંત મેસીની ફિલ્મ ‘છપાક’એક એસિડ એટેક સર્વાઈવર કેવી રીતે આ દર્દનાક ઘટના બાદ પોતાની જીવન સફર શરૂ કરે છે, તેની વાત કરવામાં આવી છે. ફિલ્મમાં દીપિકાએ માલતીની ભૂમિકા ભજવી છે. આ ફિલ્મ દિલ્હી સ્થિત એસિડ એટેક પીડિતા લક્ષ્મી અગ્રવાલના જીવન પર આધારિત છે. ફિલ્મમાં વિક્રાત મેસી રિપોર્ટરના રોલમાં છે. આ ફિલ્મ 10 જાન્યુઆરીએ થિયેટરમાં રિલીઝ થવાની છે.