કબીર ખાને જ્યારથી ફિલ્મ '83'ની જાહેરાત કરી છે ત્યારથી આ ફિલ્મ સતત ચર્ચામાં રહી છે. આ ફિલ્મ પૂર્વ ભારતીય ક્રિકેટર કપિલ દેવની બાયોપિક છે. આ ફિલ્મ 1983ના ભારત અને વેસ્ટ ઇન્ડિઝની ક્રિકેટ મેચ પર આધારિત છે. જેમાં ભારત કપિલ દેવની કેપ્ટનશિપમાં વર્લ્ડ કપ જીત્યું હતું. ફિલ્મમાં રણવીર સિંહ કપિલ દેવના રોલમાં છે. જ્યારે તેમની પત્ની રોમી દેવનો રોલ રણવીરની રિયલ લાઈફ પત્ની દીપિકા પાદુકોણ ભજવી રહી છે અને હાલમાં જ આ બંનેનો ફર્સ્ટ લુક રિલીઝ કરવામાં આવ્યો છે. બંનેનો લુક એકદમ કપિલદેવ અને રોમી દેવ જેવો જ લાગી રહ્યો છે.
ફિલ્મ '83'માં કપિલ દેવની પત્નીના રોલમાં દીપિકાનો ફર્સ્ટ લુક આઉટ
આવી દેખાય છે દીપિકા રોમી દેવના અવતારમાં
એક્ટ્રેસે સોશિયલ મીડિયા પર શેર કરી પોસ્ટ
દીપિકા પાદુકોણ રોમી દેવના લુકમાં શોર્ટ હેરમાં જોવા મળી રહી છે. ફેન્સને તેનો લુક ખૂબ પસંદ આવી રહ્યો છે.
દીપિકાએ ઈન્સ્ટાગ્રામ એકાઉન્ટ પર પોસ્ટ શેર કરતાં લખ્યું છે કે, રમતના ઇતિહાસના સૌથી ખાસ ક્ષણોમાંથી એક, આ ફિલ્મમાં એક નાનો પણ મહત્વનો રોલ ભજવવો તે સન્માનની વાત છે. આ ફિલ્મ એ દરેક મહિલા માટે છે જેણે પોતાના સપના પહેલાં પોતાના પતિના સપના રાખ્યા.
જ્યારે ફિલ્મના ડિરેક્ટર કબીર ખાને દીપિકા વિશે કહ્યું, મેં હંમેશા દીપિકાને એક સારી અભિનેત્રી તરીકે જોઈ છે અને જ્યારે હું રોમી દેવના રોલ માટે કાસ્ટિંગ વિશે વિચારી રહ્યો હતો તો મારા મગજમાં માત્ર તેનું જ નામ આવ્યું. રોમી પાસે બહુ જ હકારાત્મક ઊર્જા છે અને દીપિકાએ તે સંપૂર્ણ રીતે નિભાવી છે. રણવીર સાથે તેની કેમેસ્ટ્રી કમાલની છે. જે કપિલ અને રોમી વચ્ચેની કેમિસ્ટ્રી દર્શાવવામાં મદદરૂપ બની છે. મને ખુશી છે કે દીપિકા ફિલ્મ 83ની સફરમાં મહત્વનો ભાગ ભજવી રહી છે.
83નું દિગ્દર્શન કબીર ખાને કર્યું છે. આ ફિલ્મમાં 1983ના વર્લ્ડ કપની જીતની કહાની રજૂ કરવામાં આવશે. સુનીલ ગાવસ્કર તરીકે તાહિર રાજ ભસીન, કે.કે. શ્રીકાંત તરીકે જીવા, મોહિન્દર અમરનાથ તરીકે સાકીબ સલીમ, યશપાલ શર્મા તરીકે જતીન સરના, સંદીપ પાટિલ તરીકે ચિરાગ પાટિલ, કીર્તિ આઝાદ તરીકે દિનકર શર્મા, રોજર બિન્ની તરીકે નિશાંત દહિયા, મદન લાલ તરીકે હાર્ડી સંધુ, સૈયદ કિરમાની તરીકે સાહિલ ખટ્ટર, બલવિંદર સિંહ સંધુ તરીકે અમ્મી વિર્ક, દિલીપ વેંગસરકર અને આદિનાથ એમ કોઠારે અને રવિ શાસ્ત્રીના રોલમાં ધારીયા કરવા જોવા મળશે.