દીપિકા પાદુકોણની અપકમિંગ ફિલ્મ 'છપાક' હવે રિલીઝ થવાની છે. થોડાં સમય પહેલાં જ આ ફિલ્મનું ટ્રેલર રિલીઝ કરવામાં આવ્યું હતું. દર્શકોને ટ્રેલર ખૂબ જ પસંદ આવ્યું છે. ડિરેક્ટર મેઘના ગુલઝારની આ ફિલ્મમાં દીપિકા પાદુકોણની સાથે વિક્રાંત મેસી પણ જોવા મળશે. જોકે, હવે એવા સમાચાર છે કે, દીપિકા પાદુકોણ તેના આગામી પ્રોજેક્ટમાં ઋષિ કપૂર સાથે જોવા મળી શકે છે.
ઋષિ કપૂર સાથે ફિલ્મમાં જોવા મળી શકે છે દીપિકા
આ બંને ફિલ્મ 'લવ આજ કલ'માં સાથે કામ કરી ચૂક્યા છે
હાલ દીપિકા ફિલ્મ 'છપાક'ના પ્રમોશનમાં વ્યસ્ત
હાલની એક રિપોર્ટ મુજબ, દીપિકા પાદુકોણ અને ઋષિ કપૂર એક પ્રોજેક્ટમાં સાથે કામ કરી શકે છે. નોંધનીય છે કે, દીપિકા પાદુકોણ અને ઋષિ કપૂર ફિલ્મ 'લવ આજ કલ' અને 'ઓમ શાતિ ઓમ'માં સાથે કામ કરી ચૂક્યા છે. ઋષિ કપૂરનો દિકરો રણવીર કપૂર અને દીપિકા પાદુકોણ રિલેશનશિપમાં પણ રહી ચૂક્યા છે.
જોકે, રણવીર અને દીપિકા અલગ થયા બાદ પણ સારાં મિત્રો છે. જ્યારે ઋષિ કપૂર ન્યૂયોર્કમાં કેન્સરની ટ્રીટમેન્ટ કરાવી રહ્યા હતા ત્યારે દીપિકા પાદુકોણ તેમને મળવા ત્યાં પહોંચી હતી. આ સિવાય દીપિકાને લગ્ન પર સ્પેશિયલ ગિફ્ટ પણ મળ્યું હતું.
ઋષિ કપૂરના વર્ક ફ્રંટની વાત કરીએ તો હાલમાં જ રિલીઝ થયેલી ફિલ્મ 'ધ બોડી'માં જોવા મળ્યા હતા. જીતૂ જોસેફના ડિરેક્શનમાં બનેલી આ ફિલ્મમાં ઋષિ કપૂરની સાથે ઈમરાન હાશ્મી અને શોભિતા ધુલિપાલા પણ જોવા મળ્યા હતા.