મહામારી / બોલીવુડની આ ટોચની અભિનેત્રીને થયો કોરોના, આખો પરિવાર પણ કોરોનાગ્રસ્ત

• દીપિકા પાદુકોણને થયો કોરોના
• પ્રકાશ પાદુકોણ પણ હોસ્પિટલમાં સારવાર હેઠળ
• દિપિકાની માતા અને બહેનને પણ કોરોના

પ્રકાશ પાદુકોણ પણ કોરોના પોઝિટીવ, હોસ્પિટલમાં સારવાર હેઠળ

તેના પિતા પ્રકાશ પાદુકોણ પણ કોરોનાને કારણે હોસ્પિટલમાં દાખલ છે. તેની માતા અને બહેન પણ કોરોના પોઝિટીવ છે. મીડિયા રિપોર્ટ અનુસાર પ્રકાશ પાદુકોણની હોસ્પિટલમાં સારવાર ચાલી રહી છે તો દીપિકા પરિવાર સાથે ઘરમાં ક્વોરન્ટાઈન થઈ છે. 

પાદુકોણ બેડમિન્ટન એકેડમીના ડિરેક્ટર વિમલ કુમારે જણાવ્યું કે લગભગ 10 દિવસ પહેલા પ્રકાશ, તેમની પત્ની ઉજાલા અને બીજી પુત્રી અનીશામાં કોરોનાના હળવા લક્ષણો જોવા મળ્યા હતા તેથી તેમણે ટેસ્ટ કરાવ્યો અને રિપોર્ટ પોઝિટીવ આવ્યો. 

મહારાષ્ટ્રમાં દૈનિક ચકાસણી અને મૃત્યુદરમાં 15 ટકાનો ઘટાડો થયો 

મહારાષ્ટ્રમાં દૈનિક ચકાસણી અને મૃત્યુદરમાં 15 ટકાનો ઘટાડો થયો છે તથા રાજ્યમાં સતત બીજા દિવસે કેસોમાં ઘટાડો નોંધાયો છે. 
બીએમસી કમિશનર આઈ એસ ચહલે એક નિવેદન જારી કરતા જણાવ્યું કે અમારી આક્રમક ટેસ્ટિંગ પોલીસને કારણે પોઝિટીવિટી રેટમાં ઘટાડો આવ્યો છે જોકે છેલ્લા થોડા દિવસોથી ટેસ્ટિંગમાં પણ ઘટાડો થયો છે. તેમણે કહ્યું કે વર્લ્ડ હેલ્થ ઓર્ગેનાઈઝેશને પણ ભલામણ કરી છે કે જો પોઝિટિવીટી રેટ 5 ટકા કરતા ઓછો હોય તો જ જે તે શહેરને અનલોક કરી શકાય છે. બીએમસીએ દૈનિક ટેસ્ટિંગની સંખ્યામાં વધારો કરવો પડશે.

લવ અગ્રવાલે જણાવ્યું કે મહારાષ્ટ્રના 12 જિલ્લા ઓરંગાબાદ,ધુળે,ભંડારા,ગોંદિયા,જલગાંવ,લાતૂર,મુંબઈ,નાંદેડ,નંદુરબાર,ઠાણે અને વાશીમ જિલ્લામાં કોરોનાના કેસોમાં ઘટાડો થઈ રહ્યો છે.યુનિયન હેલ્થ મિનિસ્ટ્રીના જોઈન્ટ સેક્રેટરી લવ અગ્રવાલે જણાવ્યું કે દિલ્હી,મધ્યપ્રદેશ,ઝારખંડ જેવા કેટલાક રાજ્યો કોરોનાના દૈનિક કેસોમાં ઘટાડાના સંકેતો દર્શાવી રહ્યાં છે.