મુંબઇ: બોલીવુડ અભિનેત્રી દીપિકા પાદુકોણ હાલ ફિલ્મો કરતા વધારે એની પર્સનલ લાઇફને લઇને ચર્ચામાં છે. મળતી માહિતી અનુસાર પદ્માવત અભિનેત્રી જલ્દીથી બોલીવુડ ખિલજીની સાથે લગ્ન કરવા જઇ રહી છે. આ સ્ટાર્સની ડ્રીમ વેડિંગ સિંધી રીત રિવાજથી થનારી છે. એ અનુસાર તમામ તૈયારીઓ પણ કરવામાં આવી રહી છે.
કરિયરની ઊંચાઇ પર હોવા છતાં દીપિકા 2013માં ડિપ્રેશનનો શિકાર થઇ ગઇ હતી. આ મામલે દીપિકા ખુલીને વાત કરતી રહી છે. એક પ્રાઇવેટ ઇવેન્ટમાં દીપિકાએ પોતાના ડિપ્રેશનના દિવસોને યાદ કર્યા.
દીપિકાએ કહ્યું કે ડિપ્રેશનને બીજા સાથે શેર કરવું મારા માટે ખૂબ જરૂરી હતું. એને મારી જીદંગી બદલી નાંખી. દીપિકા કહે છે 'એક દિવસ અચાનક સવારે ઊઠીને મે મારી અંદરનો ખાલીપો મહેસૂસ કર્યો. હું સેટ પર કામ કરતી અને પછી મારા રૂમમાં આવીને રડતી. મને પર્સનલ લાઇફ કે કરિયરમાં કોઇ પરેશાની નહતી. તેમ છતાં કંઇક હતું જે મને અંદરથી આઘાત પહોંચાડી રહ્યું હતું.
દીપિકાએ કહ્યું મારી મા સૌથી પહેલા મારા દુખને સમજ્યું અને જાણ્યું કે હું કયા સમયમાંથી પસાર થઇ રહી છું. મારી મા મને કાઉ્સિલર પાસે લઇને ગઇ. એ સમજી ગઇ હતી કે મને સારવારની જરૂર છે. જો કે આજે પણ હું ડિપ્રેશનમાં જતા ડરું છું. ઇવેન્ટમાં ડિપ્રેશનથી લડવા માટે દર્શકોને જાગરૂક કર્યા.