એક્ટ્રેસ દીપિકા પાદુકોણ બોલિવુડની સૌથી સફળ એક્ટ્રેસમાંથી એક છે. તાજેતરમાં જ મેટ ગાલા 2019માં ગઇ હતી જેમાં તેણે ડિઝની પ્રિન્સેસ લૂક કૈરી કર્યો હતો. દીપિકાનો આ લૂક ફેન્સને ખૂબ જ પસંદ આવી રહ્યો છે, ત્યારે હવે દીપિકા દીપિકા પાદુકોણ હાલ ફ્રાન્સમાં ચાલી રહેલા ‘કાન ફિલ્મ ફેસ્ટિવલ’માં છે.
દીપિકાના 'કાન ફિલ્મ ફેસ્ટિવલ'ના તમામ લૂક્સના ફોટોઝ અને વીડિયોઝ સોશ્યલ મીડિયા પર ખૂબ જ વાયરલ થઇ રહ્યા છે. આ સાથે જ દીપિકા પાદુકોણે ફેસ્ટિવલમાં જતાં પહેલાં એર ટિકિટ સાથે પાસપોર્ટ કવરનો એક ફોટો શેર કર્યો હતો. જોકે તેની કિંમત જાણીને તમે પણ ચોંકી જશો.
દીપિકા પાદુકોણના પાસપોર્ટ કવરની કિંમત 52,936 રૂપિયા છે. દીપિકાનું રોયલ બ્લુ કલરનું લેધર પાસપોર્ટ કવર ‘Goyard’ બ્રાન્ડનું છે. કંપનીની વેબસાઈટ પર તેની કિંમત 755 યુએસ ડોલર (લગભગ 52,936 રૂપિયા) છે જેના પર કંપની 20% ઓફ આપી રહી છે. એટલે 20% ઓફ બાદ પણ તેની કિંમત 675 યુએસ ડોલર (લગભગ 47,307 રૂપિયા) છે.
દીપિકા પાદુકોણ રેડ કાર્પેટ પર ‘Loreal ઇન્ડિયા’ને રેપ્રેઝન્ટ કરી રહી છે. દીપિકા પાદુકોણે ફિલ્મ ફેસ્ટિવલમાં તેના બીજા દિવસના અલગ-અલગ ચાર લુક ઇન્સ્ટાગ્રામ પર શેર કર્યા છે. ‘કાન ફિલ્મ ફેસ્ટિવલ’ દર વર્ષે યોજાય છે જ્યાં સમગ્ર દુનિયાના બેસ્ટ સિનેમાને સેલિબ્રેટ કરવામાં આવે છે. આ વર્ષનો 72મો ‘કાન ફિલ્મ ફેસ્ટિવલ’ એડિશન 14 મેથી શરૂ થયો છે અને 25 મેએ આ ફેસ્ટિવલ પૂરો થશે.
દીપિકાના વર્કફ્રન્ટની વાત કરવામાં આવે તો હાલમાં તે મેઘના ગુલઝારની ફિલ્મ 'છપાક'નું શૂટિંગ કરી રહી છે. આ ફિલ્મમાં દીપિકા એસિડ એટેક સર્વાઇવર લક્ષ્મી અગ્રવાલનું કેરેક્ટર પ્લે કરશે. આ ફિલ્મથી દીપિકા પ્રોડક્શનમાં પણ ડેબ્યૂ કરી રહી છે. દીપિકા અને વિક્રાંત મેસી સ્ટારર ફિલ્મ 10 જાન્યુઆરી 2020માં રિલીઝ થશે.