અપકમિંગ / લગ્ન પછી પણ ફિલ્મમાં રણવીરની પત્ની બનશે દીપિકા

'83' ભારતે પહેલો ક્રિકેટ વર્લ્ડ કપ જીત્યો તેના પર આધારિત છે. ફિલ્મમાં રણવીર સિંહ ક્રિકેટર કપિલ દેવનો રોલ પ્લે કરી રહ્યો છે. ફિલ્મમાં દીપિકા એક્ટર રણવીરની પત્નીની ભૂમિકા ભજવશે. એટલે કે કપિલ દેવની પત્ની રોમી ભાટિયા બની છે. આટલું જ નહીં રિપોર્ટ્સ પ્રમાણે, દીપિકા આ સાથે જ ફિલ્મને કો-પ્રોડ્યુસ કરશે. 

જણાવવામાં આવી રહ્યુ છે કે દીપિકા કપિલ દેવ એટલે કે રણવીરની પત્નીના રોલમાં જોવા મળશે. સૂત્રોના મતે, ફિલ્મમાં દીપિકાનો રોલ નાનો નથી.ફિલ્મમાં તે સીન પણ છે, જ્યારે ફાઈનલમાં ભારતની એક પછી એક વિકેટ પડે છે, ત્યારે રોમી ભાટિયા સ્ટેડિયમમાંથી નીકળી જાય છે. રોમી ભાટિયા તે સમયે પરત આવે છે, જ્યારે ભારત મેચ જીતે છે. આ ઘણો જ ડ્રામેટિક સીન છે. આ સાથે જ ફિલ્મમાં કપિલ દેવ તથા રોમી ભાટિયાની લવસ્ટોરી પણ બતાવવામાં આવશે.

આ સાથે જ દીપિકા ફિલ્મને કો-પ્રોડ્યુસ પણ કરી રહી છે. દીપિકાના મતે '83' માત્ર સ્પોર્ટ્સ ડ્રામા નથી પણ એક ઇમોશનલ અને ઇન્સ્પાયરિંગ સ્ટોરી પણ કરે છે. કદાચ આ જ કારણે તે ફિલ્મની કો-પ્રોડ્યુસર બની છે.

જણાવી દઇએ કે, દીપિકા થોડા દિવસના મેટ ગાલાનો ભાગ બની હતી. આ ગાલા ઈવેન્ટમાં બાર્બી લુકમાં જોવા મળી હતી. તેના લુકને ઘણો જ પસંદ કરવામાં આવ્યો હતો. 

આ સિવાય દીપિકા 'છપાક'ના શૂટિંગમાં વ્યસ્ત છે. આ ફિલ્મ એસિડ એટેક સર્વાઈવર લક્ષ્મી અગ્રવાલના જીવન પર આધારિત છે. ડિરેક્ટર મેઘના ગુલઝારની આ ફિલ્મ આવતા વર્ષે 10 જાન્યુઆરીના રોજ રિલીઝ થવાની છે.