ફિલ્મ પઠાણનુ નવુ ગીત 'બેશરમ રંગ' ગીતમાં ભગવા બિકિની વિવાદ વધુ ઘેરો બન્યો છે. ચાહકોને આ ગીત ખાસ પસંદ ના આવતા વિરોધ થયો છે. હવે આ વિવાદમાં અભિનેત્રીની માંડીને ડાયરેક્ટરે પણ ઝંપલાવ્યું છે. અભિનેત્રી શર્લિન ચોપરા અને મધ્ય પ્રદેશના મંત્રી નરોત્તમ મિશ્રાએ વિરોધ કર્યો છે. જ્યારે અમુક અભિનેતા હવે દીપિકાના સમર્થનમાં આવ્યાં છે.
'બેશરમ રંગ' ગીતમાં ભગવા બિકિની વિવાદ વધુ ઘેરો બન્યો
ગીત પસંદ ના આવતા ચાહકોએ કર્યો વિરોધ
હવે કેટલાંક અભિનેતા દીપિકાના સમર્થનમાં ઉતર્યા
શર્લિન ચોપરાએ 'ભગવા બિકિની વિવાદ'ને યોગ્ય ગણાવ્યો
દીપિકા પાદુકોણની બિકિની પર કરવામાં આવેલી કોમેન્ટ પર અભિનેત્રી શર્લિન ચોપરાએ મધ્ય પ્રદેશના મંત્રી ડૉ. નરોત્તમ મિશ્રાને સપોર્ટ કર્યો છે. શર્લિને કહ્યું, ટુકડે ટુકડે ગેંગની હમદર્દ દીપિકા પાદુકોણ ભગવા રંગની બિકિનીમાં બેશરમ રંગ ગીતમાં ડાન્સ કરી રહી છે. આ નિશ્ચિત રીતે એવા લાખો હિંદુઓને સ્વીકાર નથી. જે ભગવા રંગને શુદ્ધતા, આસ્થા અને ભક્તિનો રંગ માને છે.
ગીત રીલીઝ બાદ નરોત્તમ મિશ્રાએ દર્શાવ્યો હતો વાંધો
મહત્વનું છે કે પઠાણના બેશરમ રંગ ગીત રીલીઝ થયા બાદ નરોત્તમ મિશ્રાએ ગીત પર વાંધો દર્શાવ્યો હતો. તેમણે ફેરફારની માંગ કરી હતી અને કહ્યું કે જો આઉટફિટમાં ફેરફાર નહીં કરવામાં આવે તો મધ્ય પ્રદેશમાં 'પઠાણ' પર પ્રતિબંધ લગાવી દેવામાં આવશે. તેમણે હિન્દીમાં ટ્વિટ કર્યુ, વેશભૂષા ખૂબ આપત્તિજનક છે અને ગીતને ગંદી માનસિકતાની સાથે શૂટ કરવામાં આવ્યું છે.
फिल्म #Pathan के गाने में टुकड़े-टुकड़े गैंग की समर्थक अभिनेत्री दीपिका पादुकोण की
वेशभूषा बेहद आपत्तिजनक है और गाना दूषित मानसिकता के साथ फिल्माया गया है।
गाने के दृश्यों व वेशभूषा को ठीक किया जाए अन्यथा फिल्म को मध्यप्रदेश में अनुमति दी जाए या नहीं दी जाए,यह विचारणीय होगा। pic.twitter.com/Ekl20ClY75
અભિનેતા પ્રકાશ રાજે અભિનેત્રી દીપિકા પાદુકોણનો સપોર્ટ કર્યો
ફિલ્મ પઠાણના હાલમાં આઉટ થયેલા ગીત બેશરમ રંગે લોકોને ખૂબ નિરાશ કર્યા છે. ગીતમાં અભિનેત્રીના બોલ્ડ કૉસ્ચ્યુમને લઇને લોકોએ વાંધો દર્શાવ્યો છે. એવામાં અભિનેતા પ્રકાશ રાજે અભિનેત્રી દીપિકા પાદુકોણનો સપોર્ટ કર્યો છે. પ્રકાશ રાજે તેના ટ્વિટર પર લખ્યું કે, 'ધૃણિત... ક્યા સુધી આને બર્દાશ્ત કરવુ જોઈએ..કલર બ્લાઈન્ડ.' સોશિયલ મીડિયામાં પ્રકાશ રાજનુ આ ટ્વિટ ઝડપથી વાયરલ થઇ રહ્યું છે.
કોલકાતા ફિલ્મ ફેસ્ટિવલના સ્ટેજ પર સ્પીચ આપતી વખતે શાહરૂખે પોતાની આગામી ફિલ્મ પઠાણ પર પહેલું રિએક્શન આપ્યું. પોતાની ફિલ્મ પર થતો વિવાદ જોતા હવે શાહરુખે ખાને મોં ખોલ્યું છે. કોલકાતા ફિલ્મ ફેસ્ટીવલમાં બોલતાં શાહરુખે કહ્યું કે લોકો ગમે તે કરે તેમ છતા પણ અમારી જેવા લોકો પોઝિટીવ રહેશે. તેમણે કહ્યું કે સોશિયલ મીડિયા એક ચોક્કસ પ્રકારની હલકી માનસકિતાથી સંચાલિત થતું હોય છે, જેનાથી મનુષ્યના સ્વભાવ પર લિમિટ આવી જતી હોય છે. તેમણે કહ્યું કે મેં ક્યાંક વાંચ્યું છે કે નકારાત્મકતા સોશિયલ મીડિયાના ઉપયોગને વધારે છે. આવું કરવાથી વિભાજનકારી અને ઘાતક પરિણામ મળતું હોય છે.
#WATCH | No matter what the world does, people like us will stay positive: Shah Rukh Khan at Kolkata International Film Festival pic.twitter.com/QL6uyRFACS
શાહરૂખ ખાનની ફિલ્મ રઈસના ડાયરેક્ટર રાહુલ ઢોલકિયાએ કિંગ ખાનને ટાર્ગેટ કરતા પોતાનો ગુસ્સો દર્શાવ્યો છે. ટ્વિટર પર ટ્વિટ કરી રાહુલે લખ્યું, "ફિલ્મ ઈન્ડસ્ટ્રી સાથે જોડાયેલા લોકોને વર્ષોથી શાહરૂખ ખાન પર થતા હેટ એટેકની નિંદા કરવી જોઈએ. બીજાની તુલનામાં એસઆરકેએ એન્ટરટેઇનમેન્ટ અને સિનેમાના એમ્બેસેડરના રૂપમાં આપણા સમુદાય અને ભારતમાં એક મહત્વનું યોગદાન આપ્યું છે. તેથી મહેરબાની કરીને આ કટ્ટરપંથીઓને મૌન રહેવા માટે કહો!" રાહુલ ઢોલકિયાના આ ટ્વિટ પર શાહરૂખ ખાનના પ્રશંસકો પોતાનુ રિએક્શન આપી રહ્યાં છે અને તેમનુ સમર્થન કરી રહ્યાં છે.
The hate attack (for years now) on @iamsrk should be condemned by one and all in the film industry. SRK has contributed more to our fraternity and India as an ambassador of entertainment & cinema ; than most people have. Please tell these bigots with idiotic theories to Shut Up!
'ભગવા બિકિની વિવાદ' પર અભિનેતા પ્રકાશ રાજ બાદ હવે અભિનેત્રી સ્વરા ભાસ્કરે પ્રતિક્રિયા આપી છે. સ્વરા ભાસ્કરે અભિનેત્રી દીપિકા પાદુકોણનુ સમર્થન કર્યુ છે. દીપિકાને સપોર્ટ કરતા સ્વરાએ એક ટ્વિટ કર્યુ છે અને દેશના રાજનેતાઓ પર નિશાન સાધ્યું છે. સ્વરા ભાસ્કરે લખ્યું છે, મળો અમારા દેશના સત્તાધારી રાજનેતાઓને... અભિનેત્રીઓના કપડા જોવામાંથી થોડો સમય મળતો તો શું ખબર થોડુ કામ પણ કરી લેતા..?! સ્વરા ભાસ્કરનુ આ ટ્વિટ ઝડપથી વાયરલ થયુ છે. અભિનેત્રીના આ ટ્વિટ પર લોકોએ ઝડપથી પ્રતિક્રિયા આપવાનુ શરૂ કર્યુ છે.
मिलिए हमारे देश के सत्ताधारी राजनेताओं से.. अभिनेत्रियों के कपड़ों को देखने से फ़ुरसत मिलती तो क्या पता कुछ काम भी कर लेते?!? 🙏🏽🤷🏽♀️😬#Pathaan#Pathanpic.twitter.com/03DDrbqoBf