તમારા વાર્ષિક પગાર કરતા પણ મોંઘું છે દીપિકાનું બ્રેસલેટ

બોલિવુડના સ્ટાર કપલ રણવીર સિંહ - દીપિકા પાદુકોણના લગ્ન નક્કી થઇ ગયા છે. મેરેજ કાઉન્ટડાઉન સ્ટાર્ટ થઇ ગયુ છે. પરંતુ હાલમાં દીપિકાના ફેન્સની નજર તેના લવ બ્રેસલેટ પર છે બંગડી જેવું દેખાવમાં લાગતું  આ બ્રેસલેટ આજકાલ સૌ કોઇનું ધ્યાન પોતાની તરફ ખેંચે છે. 

તાજેતરમાં જ દીપિકા એરપોર્ટ પર જોવા મળી ત્યારે તેણે બ્લૂ જીન્સ પર ક્રિમ કલરનો જોસેફ ફેશનનો કોટ પહેર્યો હતો. આ સાથે બ્લૂ બેગ અને વ્હાઇટ શર્ટમાં તે સુંદર દેખાતી હતી. પરંતુ ચાહકોની નજર તેણે પહરેલા ગોલ્ડન કલરના લવ બ્રેસલેટ પર હતી. આ બ્રેસલેટની કિંમત રૂ. 10 લાખ છે. આ બ્રેસલેટ લગ્નની જ્વેલરીનો એક ભાગ માનવામાં આવે છે. 

દીપિકા હાલમાં લગ્નની તૈયારીઓ કરી રહી છે. એવામાં એક બ્રેસલેટની કિંમત રૂ. 10 લાખ છે ત્યારે તેની લગ્નની જ્વેલરીની કિંમત શું હશે?કેટલા લાખમાં હશે તેનું અનુમાન કરી શકાય છે. જોકે તેના આ બ્રેસલેટને લઇને અનેક ચર્ચા થઇ રહી છે. એવું પણ માનવામાં આવે છે કે આ બ્રેસલેટ રણવીર સિંહે ગિફ્ટ કર્યો છે તેવું કહેવામાં આવી રહ્યુ છે. જોકે દીપિકાએ આ અંગે કોઇ પ્રતિક્રિયા આપી નથી. 

થોડા દિવસો પહેલા દીપિકા અને રણવીરસિંહના લગ્નની કંકોત્રી સોશિયલ મીડિયા પર વાયરલ થઇ હતી. આગામી 14-15 નવેમ્બરના રોજ દીપિકા અને રણવીરના લગ્ન છે. રણવીર અને દીપિકા ગત મહિને માલદીવ્સમાં વેકેશન એન્જોય કરતા જોવા મળ્યા હતા.