વર્તમાનમાં દીપિકા પાદુકોણ પોતાની અપકમિંગ ફિલ્મ છપાક માટે ખુબ ચર્ચામાં છે. દીપિકાની આ ફિલ્મ 10મી જાન્યુઆરીએ સિનેમામાં આવવાની છે ત્યારે દીપિકા તેના પ્રમોશનમાં લાગેલી છે. પ્રમોશનના ભાગરૂપે વિવિધ શો અને ઈન્ટરવ્યુમાં ભાગ લઇ રહી છે. આવા જ એક ઈન્ટરવ્યુમાં પ્રેગનેન્સી વિશે સવાલ કરવામાં આવતા દીપિકા ભડકી ઉઠી હતી અને પત્રકારને એવો જવાબ આપ્યો કે બધા ચોંકી ઉઠ્યા.
દીપિકાએ પત્રકારને આપ્યો સણસણતો જવાબ
હું પ્રેગ્નેન્ટ થઈશ તો બધાને ખબર પડી જશે : દીપિકા
સિદ્ધાંત ચતુર્વેદી સાથે કરશે રિલેશનશિપ ડ્રામા ફિલ્મ
દીપિકા પાદુકોણ તેમની ફિલ્મ છપાકના પ્રમોશનમાં ખબ વ્યસ્ત છે. દીપિકા આ ફિલ્મની રીલીઝની તૈયારીઓ કરી રહી છે. અલગ અલગ શો પર જઈને પણ તે પોતાની ફિલ્મનો પ્રમોશન કરી રહી છે.
દીપિકાને જયારે પ્રેગનેન્સી વિશે સવાલ કરવામાં આવ્યો ત્યારે તરત જ જવાબ આપતાં કહ્યું કે 'શું હું તમને પ્રેગ્નેન્ટ દેખાઈ રહી છું? હું જયારે ફેમિલી પ્લાનિંગ કરીશ ત્યારે તમને પૂછીને કરીશ. જો તમે પરમીશન આપશો તો જ કરીશ. જો હું પ્રેગ્નેન્ટ થઈશ તો 9 મહિનામાં બધાને ખબર પડી જ જશે.'
કરણ જોહરે કહ્યું આવતા વર્ષે ફેબ્રુઆરીમાં રીલીઝ થશે દીપિકા-સિદ્ધાંતની ફિલ્મ
દીપિકાએ સિદ્ધાંત ચતુર્વેદી સાથે ફિલ્મને લઈને પણ વાત કરી જેમાં તેમણે કહ્યું કે તે એક રિલેશનશિપ ડ્રામા મૂવી છે જેની શૂટિંગ માર્ચમાં શરુ થશે. તેમણે ફિલ્મ વિશે જણાવતાં કહ્યું કે 'હું આગામી મૂવી સિદ્ધાંત ચતુર્વેદી સાથે કરી રહી છું. શકું બત્રા તેને ડાયરેક્ટ કરશે અને શૂટિંગ માર્ચમાં શૂટિંગની શરૂઆત થશે.'
પ્રોડ્યુસર કરણ જોહરે થોડાક દિવસ પહેલાં જ ટ્વીટ કરીને કહ્યું હતું કે દીપિકા અને સિદ્ધાંતની ફિલ્મ 12 ફેબ્રુઆરી 2021નાં રોજ રીલીઝ થશે. છપાકની વાત કરીએ તો આ ફિલ્મ એસિડ અટેક સર્વાઇવર લક્ષ્મી અગ્રવાલથી પ્રેરિત છે. દીપિકાની સાથે મૂવીમાં વિક્રાંત મેસી દેખાઈ રહ્યા છે. આ ફિલ્મ આ વર્ષે 10મી જાન્યુઆરીનાં રોજ રીલીઝ થઇ રહી છે. આ ફિલ્મની સાથે અજય દેવગણની તાનાજી: ધ અન્સંગ વોરિયર કલેશ થશે.