બોલિવુડના સ્ટાર કપલ રણવીર સિંહ અને દીપિકા પાદુકોણ લગ્નનાં બંધનમાં બંધાઇ ચૂક્યા છે. તાજેતરમાં આ કપલે મુંબઇ ખાતે રિસેપ્શનમાં શાહી અંદાજમાં જોવા મળ્યા હતા. આ રિસેપ્શનની કેટલાક ફોટોઝ અને વીડિયોઝ સોશ્યલ મીડિયા પર વાયરલ થઇ રહ્યા છે. જેમાં બંને વ્હાઇટ અને ગોલ્ડન ડ્રેસ પહેર્યો હતો.
રિસેપ્શનમાં દીપિકાએ વ્હાઇટ રંગનો ડ્રેસ પહેર્યો છે જ્યારે તેના પર ગોલ્ડન કલરની એમ્બ્રોડરી છે. આ સાથે જ તેણે માથા પર ઓઢેલું છે. જ્યારે રણવીર સિંહ પણ વ્હાઇટ રંગની શેરવાનીમાં એકદમ જામી રહ્યો હતો. આ લૂકમાં તે વધુ રૉયલ લાગી રહ્યો છે. એક જ કલર કોમ્બિનેશનને જોઇને ફેન્સે કપલે મેડ ફોર ઇચ અધર કરીને સોશ્યલ મીડિયા પર કમેન્ટ્સ કરી હતી. આ ઉપરાંત શાહી આઉટફિટમાં ફોટોઝ ક્લિક કરાવતા સમયે દીપિકા અને રણવીર જ્યારે વાતો કરી રહ્યાં હતા ત્યારે અચાનક જ કોઈ વાતને લઇને બંને ખડખડાટ હસવા લાગ્યા હતા.
રણવીર સિંહ અને દીપિકા પાદુકોણે 14-15 નવેમ્બરના ખાતે ઇટાલીના લેક કોમો ખાતે ક્લોઝ ફ્રેન્ડ્સ અને રિલેટિવની હાજરીમાં લગ્ન કર્યા હતા. રણવીર-દીપિકા વચ્ચે 6 વર્ષની રિલેશનશિપ બાદ લગ્ન કર્યા. ઉલ્લેખનીય છે કે વર્ષ 2013માં બંને એકબીજા સાથે સંજય લીલા ભણસાલીની ફિલ્મ 'રામલીલા'માં કામ કર્યુ હતુ આ ફિલ્મના શૂટિંગ દરમિયાન તેમને ડેટિંગની શરૂઆત કરી હતી. આ કપલે 'રામલીલા' સિવાય 'બાજીરાવ મસ્તાની' અને 'પદ્માવત' જેવી ફિલ્મોમાં કામ કર્યુ હતુ.