બોલિવુડ એક્ટ્રેસ દીપિકા પાદુકોણ ગુરુવારે રાતે લાલબાગ ચા રાજાના દર્શન કરવા માટે પહોંચી હતી. એક્ટ્રેસે ગણપતિ બાપ્પાના દર્શન કરીને આશીર્વાદ લીધા. સોશ્યલ મીડિયા પર દીપિકા પાદુકોણના ફોટોઝ અને વીડિયોઝ વાયરલ થઇ રહ્યા છે.
એક્ટ્રેસ દીપિકા પાદુકોણ પહોંચી ગણપતિ બાપ્પાના દર્શન કરવા માટે
દીપિકા પાદુકોણે લીધા લાલબાગ ચા રાજાના આશીર્વાદ
સોશ્યલ મીડિયા પર દીપિકાના આ ટ્રેડિશનલ લૂકના ફોટોઝ અને વીડિયોઝ થયા વાયરલ
લાલબાગ ચા રાજાના દર્શન કરવા માટે પહોંચેલી દીપિકા ટ્રેડિશનલ લૂકમાં જોવા મળી રહી હતી. દીપિકા હૈવી એમ્બ્રોયડરીવાળી ગોલ્ડન સારી પહેરીને ભગવાનના દરબારમાં પહોંચી હતી. તેણે સાડી સાથે જ્વેલરીમાં મોટી ઇયરિંગ્સ પહેરી હતી. ટ્રેડિશનલ લૂકમાં દીપિકા ખૂબ જ બ્યૂટિફૂલ લાગી રહી હતી.
ગણપતિ બાપ્પાના દર્શન કરવા માટે પહોંચેલી દીપિકા અહીંયા ભીડમાં ફસાઇ ગઇ. ભીડની વચ્ચેથી દીપિકાને બાપ્પાના દર્શન માટે લઇ જવામાં આવી અને ત્યાર પછી તેણે કાર સુધી લાવવામાં બોડીગાર્ડનો પરસેવો છૂટી ગયો. જોકે આ વચ્ચે દીપિકાએ બાપ્પાના દર્શન કર્યા, તિલક લગાવી અને પ્રણામ કરીને આશીર્વાદ લીધા હતા.
લાલબાગ ચા રાજાના દર્શન કરવા માટે મોટી સંખ્યામાં દર વર્ષે ભક્તો ઉમટે છે, એવામાં જો કોઇ સેલિબ્રેટી દર્શન કરવા માટે આવે ત્યારે મુશ્કેલી સર્જાય છે તેનો અંદાજો લગાવી શકાય છે. ત્યારે આવી જ ભીડામાં દીપિકા ફસાઇ ગઇ અને તેને બહાર કાઢતા તેના બોડીગાર્ડને આંખે પાણી આવી ગયા. ભીડમાં ફસાયેલી દીપિકાનો આ વીડિયો સોશ્યલ મીડિયા પર વાયરલ થઇ રહ્યો છે.
ઉલ્લેખનીય છે કે, આ પહેલા બોલિવુડ એક્ટ્રેસ સ્વરા ભાસ્કર પણ લાલબાગ ચા રાજાના દર્શન કરવા માટે પહોંચી હતી, પરંતુ ત્યાં તેની સાથે એક નાની દુર્ઘટના થઇ. સ્વરાએ પોતાના ઑફિશ્યલ ટ્વીટ પર આ ઘટનાનો ઉલ્લેખ કરતા જાણકારી આપી હતી.
વાસ્તવમાં સ્વરા જ્યારે લાલબાગ ચા રાજાના દર્શન કરવા માટે પહોંચી ત્યારે ત્યાં એટલી ભીડ હતી કે તેના ચપ્પલ ખોવાઇ ગયા. આ પછી સ્વરા ચપ્પલ વગર પંડાલની બહાર નીકળી હતી. સ્વરાએ આ અંગેનો વીડિયો શૅર કર્યો છે જેમાં તે ચપ્પલ વગર રસ્તા પર ચાલી રહી છે. વીડિયો પોસ્ટ કરીને એક્ટ્રેસ લખ્યુ કે, ''જો લાલબાગ ચા રાજાના દર્શન કરવામાં જો તમારા ચપ્પલ ના ખોવાયા તો શું દર્શન કર્યા?''