હાલમાં દીપિકા પાદુકોણના ઘણા વીડિયો સોશિયલ મીડિયા પર સતત વાયરલ થઇ રહ્યા છે. એક વખત ફરીથી એનો એરપોર્ટ વીડિયો વાયરલ થઇ રહ્યો છે જેમાં તે એરપોર્ટથી બહાર નિકળે છે, તો ફોટોગ્રાફર એનો ફોટો લેવા લાગે છે, ત્યારે દીપિકા હસતાં હસતાં ફોટોગ્રાફરને ડ્રાઇવ માટે ઇનવાઇટ કરી દે છે.
વીડિયોમાં દીપિકા હસતી એરપોર્ટથી બહાર નિકળતી જોવા મળે છે. આ વચ્ચે ફોટોગ્રાફર્સ એનો ફોટો લઇ રહ્યો હોય છે. જ્યારે દીપિકા પોતાની ગાડી પાસે પહોંચે છે તો ફોટોગ્રાફર ત્યાં પણ તેનો ફોટો લે છે ત્યારે દીપિકા હસતાં હસતાં ફોટોગ્રાફરને ગાડીમાં બેસવા માટે કહે છે. એ પોતાની ગાડી તરફ ઇશારો કરીને કહે છે કે 'आजा बैठ जा'.
આ વીડિયોમાં દીપિકા સિલ્વર રંગનું ટ્રાઉઝર અને વ્હાઇટ ટૉપમાં નજરે આવી રહી છે. સાથે સિલ્વર હીલ્સ અને ડાયમંડના ઇયરિંગ્સ પહેરેલા છે. દીપિકાનો આ વીડિયો જોરદાર વાયરલ થઇ રહ્યો છે. એક ફોટોગ્રાફરે આ વીડિયો પોતાના ઇન્સ્ટાગ્રામ પર શેર કર્યો છે, જેને 15 કલાકની અંદર 20 લાખથી વધારે વખત જોવામાં આવી ચુક્યો છે.
થોડાક દિવસો અગાઉ એક વીડિયો વાયરલ થયો હતો, વીડિયોમાં એ એરપોર્ટ પર છે, જ્યાં સિક્યોરિટી ઑફિસર એની પાસે આઇડી માંગે છે. સિક્યોરિટીના કહેવા પર દીપિકા ખૂબ જ સાદગીથી આઇડી કાર્ડ દેખાડે છે.
વર્ક ફ્રંટની વાત કરીએ તો દીપિકા પાદુકોણની ફિલ્મ 'છપાક' 10 જાન્યુઆરી, 2020 એ રિલીઝ થશે. આ ઉપરાંત ફિલ્મ '83' માં દીપિકા પાદુકોણ 'કપિલ દેવ'ની પત્નીનું કિરદાર નિભાવતી નજરે પડશે.