મદદ / દીપિકા મહિલાઓની રોજગારી માટે આગળ આવી, ઇ-ટેક્સી સ્ટાર્ટઅપમાં રોક્યા 21 કરોડ

તો વધુમાં દીપિકા પાદુકોણે ઈ-ટેક્સી સ્ટાર્ટ-અપ બ્લૂ સ્માર્ટમાં 3 મિલિયન ડોલરનું (અંદાજે 21 કરોડ રૂપિયા) રોકાણ કર્યું છે. આ વાતની માહિતી સ્ટાર્ટ-અપના કો-ફાઉન્ડર પુનીત ગોયલે આપી હતી. 

 

 

 

 

View this post on Instagram

 

 

 

 

 

 

 

 

 

Presenting the poster of Chhapaak. A story of trauma,triumph and the unquashable human spirit. Inspired by true events and one that will stay in our hearts forever... #Chhapaak #AbLadnaHai @meghnagulzar @deepikapadukone @vikrantmassey87 @foxstarhindi @mrigafilms

A post shared by Ka Productions (@_kaproductions) on Dec 10, 2019 at 2:52am PST

કો-ફાઉન્ડર ગોયલે કહ્યું હતું કે, તેમને દીપિકાના નેતૃત્વમાં રોકાણકારો પાસેથી 5 મિલિયન ડોલરના (35.5 કરોડ રૂપિયા) રોકાણની આશા છે. દીપિકાએ આ કંપનીમાં કેટલીક મહિલા ડ્રાઈવર્સને પણ કામ અપાવ્યું છે.

દીપિકાને કેમ પસંદ આવ્યું સ્ટાર્ટ-અપ?

કો-ફાઉન્ડર પુનીતે અંગ્રેજી ન્યૂઝ પોર્ટલ સાથેની વાતચીતમાં કહ્યું હતું કે દીપિકાને કંપનીનું વિઝન પસંદ આવ્યું હતું. દીપિકાને ખ્યાલ છે કે ઈ-ટેક્સી મુસાફરી માટે સલામત છે. આ સ્ટાર્ટ-અપમાં કારના માલિક તથા ડ્રાઈવર્સ બંનેને કામ આપવામાં આવે છે. ડ્રાઈવર્સ પાસે પોતાની કાર હોય તે જરૂરી નથી. આ ઉપરાંત તમામ વાહનો ઈલેક્ટ્રિક છે. 

પુનીતે આગળ કહ્યું હતું કે, તેઓ મુસાફરીની સારી સુવિધા આપી રહ્યાં છે. આ ઉપરાંત પર્યાવરણ માટે પણ કામ કરી રહ્યાં છે. આ ઉપરાંત કાર માટે કોઈ ફિક્સ ચાર્જ નથી અને રાઈડ કેન્સલ કરી શકાતી નથી. આથી જો તમે રાઈડ બુક કરાવી છે તો તે તમને મળશે. રાઈડ પેસેન્જર્સ કેન્સલ કરી શકે છે પરંતુ ડ્રાઈવર કેન્સલ કરી શકશે નહીં. આ તમામ કારણોને લીધે દીપિકાને લાગ્યું કે આમાં રોકાણ કરવું જોઈએ. દીપિકાએ આ વર્ષની શરૂઆતમાં કંપનીમાં રોકાણ કર્યું હતું. 

મહિલા ડ્રાઈવર્સને નોકરી આપી

પુનીતે વધુમાં કહ્યું હતું કે દીપિકાએ બ્રાન્ડને સારી રીતે જોઈ અને મહિલા સશક્તિકરણને પ્રોત્સાહન આપ્યું છે. તે કેટલીક મહિલા ડ્રાઈવર્સને બોર્ડ પર લાવી, જેથી તેમને નોકરી આપી શકાય.

 

 

 

 

View this post on Instagram

 

 

 

 

 

 

 

 

 

Presenting the trailer of #Chhapaak. A story of trauma,triumph and the unquashable human spirit. Inspired by true events and one that will stay in our hearts forever... #ChhapaakTrailer @meghnagulzar @deepikapadukone @vikrantmassey87 @foxstarhindi @mrigafilms

A post shared by Ka Productions (@_kaproductions) on Dec 10, 2019 at 12:19am PST

વર્કફ્રન્ટની વાત કરવામાં આવે તો, દીપિકા પાદુકોણની આગામી ફિલ્મ ‘છપાક’નું ટ્રેલર લોન્ચ થઈ ગયું છે. આ ફિલ્મમાં એસિડ એટેક સર્વાઈવર કેવી રીતે આ દર્દનાક ઘટના બાદ પોતાની જીવન સફર શરૂ કરે છે, તેની વાત કરવામાં આવી છે. ફિલ્મમાં દીપિકાએ માલતીની ભૂમિકા ભજવી છે. આ ફિલ્મ દિલ્હી સ્થિત એસિડ એટેક પીડિતા લક્ષ્મી અગ્રવાલના જીવન પર આધારિત છે. ફિલ્મમાં વિક્રાત મેસી રિપોર્ટરના રોલમાં છે.