શાહરૂખ ખાનની ફિલ્મ પઠાન આવતા વર્ષે ગણતંત્ર દિવસના અવસરે રીલીઝ થઇ રહી છે. ફિલ્મનુ પહેલુ ગીત બેશરમ રંગનુ બીજુ પોસ્ટર હાલમાં શાહરૂખે સોશિયલ મીડિયામાં શેર કર્યુ છે.
શાહરૂખ ખાનની ફિલ્મ પઠાન આવતા વર્ષે થઇ રહી છે રીલીઝ
ફિલ્મ 'પઠાન'નુ પહેલુ ગીત 'બેશરમ રંગ'નુ બીજુ પોસ્ટર શેર કરાયું
શાહરૂખ ખાન, દીપિકા પાદુકોણ અને જૉન અબ્રાહમની ફિલ્મ 'પઠાન' આમ તો આવતા વર્ષે જાન્યુઆરીમાં રીલીઝ થશે. પરંતુ આ ફિલ્મનુ પ્રમોશન શરૂ થયુ છે. ફિલ્મનુ પહેલુ ગીત બેશરમ રંગ 12 ડિસેમ્બરે રીલીઝ થઇ રહ્યું છે. ફિલ્મના ગીતને રીલીઝ કરતા પહેલા શાહરૂખ ગીતના પોસ્ટર સોશિયલ મીડિયામાં શેર કરી રહ્યાં છે. કિંગ ખાન તરફથી વધુ એક નવુ પોસ્ટર જાહેર કરવામાં આવ્યું છે, જેમાં દીપિકા પાદુકોણ પીળા કલરની બિકિનીમાં દેખાઈ રહી છે.
દીપિકાએ પીળા કલરની બિકિની પહેરી છે
શાહરૂખે શુક્રવારે આ ગીત સાથે જોડાયેલુ એક પોસ્ટર જાહેર કર્યુ હતુ. જેમાં દીપિકા ગોલ્ડન કલરની બિકિનીમાં જોવા મળી હતી. હવે શાહરૂખે ગીતનુ નવુ પોસ્ટર જાહેર કર્યુ છે, જેમાં પીળા કલરની બિકિનીમાં દીપિકા પાદુકોણ કહેર વરસાવી રહી છે. બેશરમ રંગ 12 ડિસેમ્બરે સવારે 11 વાગ્યે રીલીઝ કરવામાં આવશે.
દીપિકાનુ આ દિલધડક અંદાજવાળુ પોસ્ટર શેર કરીને શાહરૂખે દીપિકાના વખાણ કર્યા છે. શાહરૂખે પોસ્ટરની સાથે લખ્યું છે, 'મિરર મિરર ઑન ધ વૉલ, શી ઈજ ધ મોસ્ટ ગ્લેમરસ ઑફ ધેમ ઑલ.' શાહરૂખે જેવુ દીપિકાનુ આ નવુ પોસ્ટર જાહેર કર્યુ, તેવુ ઈન્ટરનેટ પર વાયરલ થયુ છે. દીપિકાનો હોટ અંદાજ જોઇને ચાહકો પાણી-પાણી થયા છે અને બધા આ ગીતની આતુરતાપૂર્વક રાહ જોઇ રહ્યાં છે.