બોલિવુડ / રેડ કાર્પેટ લુક માટે જિમમાં પરસેવો વહાવી રહી છે દીપિકા પદુકોણ

દીપિકાએ તાજેતરમાં પોતાના ઇન્સ્ટાગ્રામ એકાઉન્ટ પર જિમના કેટલાક ફોટો શેર કર્યા. આ ફોટોમાં પસીનાથી નીતરતી દીપિકા સુંદર લાગી રહી હતી. તે પિન્ક અને બ્લેક કલરના જિમ ડ્રેસમાં દેખાતી હતી. ફોટોઝના કેપ્શનમાં દીપિકાએ લખ્યું હતું કે મેં આજે પુશઅપ કર્યા અને ખૂબ જ થાક અનુભવી રહી છું.
 

ઉલ્લેખનીય છે કે દીપિકાએ મેટ ગાલામાં બાર્બી લુક બનાવ્યો હતો. આ લુક ખૂબ જ પસંદ કરાયો હતો. ગયા વર્ષે તેના કાન લુકને પણ પસંદ કરાયો હતો. હવે તેના ફેન્સ આ વર્ષે કાન ફેસ્ટિવલમાં તેના લુકની રાહ જોઇ રહ્યા છે. 
 

દીપિકાના વર્ક ફ્રંટની વાત કરીએ તો હાલમાં તે ફિલ્મ 'છપાક'ના શૂટિંગમાં વ્યસ્ત છે. તેમાં તે એસિડ એટેક સર્વાઇવર લક્ષ્મી અગ્રવાલનો રોલ ભજવી રહી છે. આ ફિલ્મ આવતા વર્ષે માર્ચ મહિનામાં રિલીઝ થશે. ફિલ્મનું નિર્દેશન મેઘના ગુલઝાર કરી રહી છે. દીપિકા આ ફિલ્મથી ફિલ્મ સાથે પ્રોડ્યૂસર તરીકે પણ જોડાઇ છે.