દીપિકા પાદુકોણે રણવીર સિંહની 'રીલ પત્ની' બનવાની પાડી ના કારણ જાણીને ચાહકો થશે નિરાશ

રીયલ લાઇફમાં બોક્સ ઓફિસના નવા વીર રણવીર સિંહની સાથે સાત ફેરા લઇ ચૂકેલી દીપિકા પાદુકોણે હવે પડદા પર રણવીર સિંહની પત્ની બનવા માટે ના પાડી દીધી છે. દીપિકા પાદુકોણ અને રણવીર સિંહ રવિવારે સાંજે હનીમૂન માટે શ્રીલંકા જઇને પરત ફર્યા છે. 

પાછા ફરતા જ રણવીર સિંહ સીધો મુંબઇના એકલ થિયેટરમાં પહોંચ્યો. ત્યાં ચાલી રહેલી ફિલ્મ સિમ્હાને લઇને દર્શકોની પ્રતિક્રિયા લેવાનો પ્રયત્ન કર્યો. એ દરમિયાન એને ચહેરા પર માસ્ક પહેરી રાખ્યું હતું. તો બીજી બાજુ દીપિકા પાદુકોણે આવતાની સાથે જ આગળની ફિલ્મ 'છપાક' પર કામ કરવાનું શરૂ કરી દીધું. 

સોમવારે દીપિકાએ ફિલ્મથી જોડાયેલ ટેકનીકલ લોકો સાથે બેઠક કરી અને પોતાના કિરદાર માટે જરૂરી પ્રોસ્થેટિક મેકઅપ પર સલાહ સૂચન કર્યું. 'છપાક'ની નિર્દેશક મેઘના ગુલઝાર છે જેની ફિલ્મ 'રાઝી' એ વર્ષ 2018માં 100 કરોડ ઉપર કમાણી કરી હતી. 

આ ફિલ્મમાં દીપિકા સાથે વિક્રાંત મૈસી હીરો હશે. સોમવારે જ માહિતી મળી હતી કે રણવીર સિંહની આગળની ફિલ્મ '83 માટે દીપિકા પાદુકોણ સાથે સંપર્ક કરવામાં આવ્યો છે. ફિલ્મના નિર્માતાઓએ દીપિકાને આ ફિલ્મમાં કપિલ દેવની પત્ની રોમીનો કિરદાર કરવા માટે ભલામણ કરી છે. નિર્માતાઓનું કહેવું છે કે આ કામ દીપિકા સાત દિવસમાં પણ પૂર્ણ કરી શકે છે'

આ પર દીપિકાના નજીકના સૂત્રોએ એક મીડિયાને જણાવ્યું કે આ સમયે બોક્સ ઓફિસ પર દીપિકાની જે બ્રાન્ડ વેલ્યૂ છે એને એ કોઇ સ્પેશિયલ એપીયરન્સ દ્વારા કમજોર કરવા માંગતી નથી. 

ઉલ્લેખનીય છે કે દીપિકા પોતાનું પ્રોડક્શન હાઉસ પણ ખોલી ચુકી છે અને લક્ષ્મી અગ્રવાલની બાયોપિક છપાક પહેલા કપિલ દેવ ની બાયોપિક '83' માં નજરે આવીને આ ફિલ્મને લઇને દર્શકોની ઉત્સુક્તા ઓછી કરવા માંગતી નથી. તો બીજી બાજુ રણવીર સિંહે પણ પોતાની ફિલ્મ 83 ના નિર્માતાઓને સ્પષ્ટ કરી દીધું છે કે આ આ માટે દીપિકાને કોઇ પણ પ્રકારનું દબાણ કરવા ઇચ્છતો નથી.