બોલિવુડ એક્ટ્રેસ દીપિકા પાદુકોણે પોતાના બર્થ ડેના એક જ દિવસ પહેલા સોશ્યલ મીડિયા પ્લેટફોર્મ ટિકટોક પર ડેબ્યૂ કર્યુ, તેના ફેન્સે તેણે આ સોશ્યલ મીડિયા પ્લેટફોર્મ પર પણ ઘણી શુભેચ્છાઓ આપી. ટિકટોક પર થોડા જ સમયમાં દીપિકાના 3.4 મિલિયન એટલે કે 34 લાખ ફોલોઅર્સ થઇ ગયા હતા.
દીપિકા આજકાલ પોતાની અપકમિંગ ફિલ્મ 'છપાક'નું પ્રમોશન કરી રહી છે. 4 જાન્યુઆરીએ એક્ટ્રેસે શોર્ટ ફોર્મ મોબાઇલ વીડિયો પ્લેટફોર્મ જોઇન કર્યુ હતુ, તેને જુદા જુદા ટિકટોક સ્ટાર્સની સાથે વીડિયોઝ શૂટ કર્યા જેને લાખોની સંખ્યામાં વ્યૂઝ મળી રહ્યા છે અને સાથે જ આ વીડિયોઝ બાકીના સોશ્યલ મીડિયા પર વાયરલ થઇ રહ્યા છે.
દીપિકાએ પોતાના ટિકટોક પર એક ડાન્સ વીડિયો, એક રેપ સોંગ વીડિયો અને એક ઇન્ટ્રોડ્કશન વીડિયો પોસ્ટ કર્યો છે. 2 વીડિયોમાં તે એસિડ એટેક સર્વાઇવર લક્ષ્મી અગ્રવાલ સાથે જોવા મળી રહી છે. જેના જીવન પર 'છપાક' બની છે. દીપિકાએ આ સોશ્યલ પ્લેટફોર્મ પર આવીને કહ્યુ કે, ''લોકો મને શાંત સ્વભાવની માને છે પરંતુ મારી પર્સનાલિટી બીજી બાજુ મસ્તીખોર, સહજ અને મજેદાર છે તેને ફક્ત મારા નજીકના લોકો જ જાણે છે. ટિકટોકના માધ્યમથી હું મારા પર્સનાલિટીનો એક હિસ્સો ફેન સાથે શૅર કરવા માંગુ છું.''
ઉલ્લેખનીય છે કે, દીપિકા પાદુકોણ અને વિક્રાંત મેસીની ફિલ્મ ‘છપાક’એક એસિડ એટેક સર્વાઈવર કેવી રીતે આ દર્દનાક ઘટના બાદ પોતાની જીવન સફર શરૂ કરે છે, તેની વાત કરવામાં આવી છે. ફિલ્મમાં દીપિકાએ માલતીની ભૂમિકા ભજવી છે. આ ફિલ્મ દિલ્હી સ્થિત એસિડ એટેક પીડિતા લક્ષ્મી અગ્રવાલના જીવન પર આધારિત છે. ફિલ્મમાં વિક્રાત મેસી રિપોર્ટરના રોલમાં છે. આ ફિલ્મ 10 જાન્યુઆરીએ થિયેટરમાં રિલીઝ થવાની છે.