એસિડ એટેકની પીડિતા લક્ષ્મી અગ્રવાના સંઘર્ષ પર છપાક ફિલ્મ બની છે. જે સારી કમાણી પણ કરી રહી છે. ફિલ્મમાં દીપિકાના શાનદાર અભિનયને દર્શકોને અચંબિત કરી મૂક્યા છે. હાલમાં જ દીપિકાએ સોશ્યિલ એક્સપરિમેન્ટ કર્યો. તેનાથી તે જાણવા ઈચ્છતી હતી કે શું બજારમાં હાલમાં પણ એસિડ સરળતાથી મળી રહે છે? આ એક્સપરિમેન્ટના જે પરિણામ આવ્યા તે ખૂબ જ ચોંકાવનારા હતા.
વીડિયોની શરૂઆતમાં દીપિકા કહે છે કે જો કોઈ તમને પ્રપોઝ કરે અને તમે ના પાડો તો પોતાનો અવાજ ઉઠાવો. ત્યારે પણ અવાજ ઉઠાવો જ્યારે તમારી સાથે કોઈ દુવ્યવહાર કરે. જો તમે તમારા હકને માટે લડો છો અને સાથે કોઈ તમારા ચહેરા પર એસિડ ફેંકે છે તો? જો તે વેચાશે નહીં તો ફેંકાશે નહીં. ત્યારબાદ દીપિકાએ કહ્યું કે તેણે એક એક્સપરિમેન્ટ કર્યો છે.
એક્ટર્સ પણ સામાન્ય માણસ બનીને ખરીદે છે એસિડ
વીડિયોમાં દેખાડાયું છે કે કેટલાક એક્ટર્સ જે સામાન્ય માણસ બનીને દુકાન પરથી એસિડ ખરીદવા જાય છે તે કહે છે કે એવો એસિડ આપો કે સ્કીન બળી જાય. આશ્ચર્યની વાત એ છે કે 1-2 નહીં દુકાનદારો સિવાય દરેકે એસિડ વેચ્યો છે. આ દ્રશ્ય દીપિકા કારમાં બેસીને જોઈ રહી હતી.
સુપ્રીમ કોર્ટ એસિડ વેચવા પર પ્રતિબંધ મૂકે
આ પછી દીપિકા કહે છે કે તેમની ટીમ એક દિવસમાં 24 બોટલ એસિડ ખરીદવામાં સફળ રહી હતી. આ પછીની વાત છે કે જ્યારે સુપ્રીમ કોર્ટ એસિડ વેચવા પર પ્રતિબંધ મૂકે. પીડિતા કહે છે કે એસિડ ખરીદવાને માટે વ્યક્તિ 18 વર્ષની ઉંમરનો હોવો જોઈએ. એક આઈડી પ્રૂફ, એડ્રેસ પ્રૂફ દેખાડવું જરૂરી હોવું જોઈએ અને સાથે જ દુકાનદાર જે એસિડ વેચે છે તેની પાસે પણ એસિડ વેચવા માટે લાયસન્સ હોવું અનિવાર્ય છે.