કોરોના વાયરસ વિશ્વભરમાં અટકવાનું નામ નથી લઈ રહ્યો. આ દરમિયાન દિલ્હીમાં એક દર્દીની પુષ્ટિ થઈ છે જે કોરોના વાયરસનો શિકાર બન્યો છે. હવે કોરોના વાયરસનો ભય બૉલીવુડ સ્ટાર્સને પણ સતાવવવા માંડ્યો છે.
પહેલેથી જ રણબીર કપૂર એરપોર્ટ પર માસ્ક પહેરીને જોવા મળ્યો હતો અને હવે અભિનેત્રી દીપિકા પાદુકોણ પણ કોરોના વાયરસથી ડરવા લાગી છે. તાજેતરમાં જ દીપિકાના મેનેજરે તેના વિદેશ પ્રવાસ અંગે મોટી માહિતી આપી છે.
દીપિકા પાદુકોણે કોરોના વાયરસના ચેપને ધ્યાનમાં રાખીને પેરિસમાં ચાલી રહેલા 'પેરિસ ફેશન વીક'માં ભાગ લેવાની તેની યોજનાઓને રદ કરી દીધી છે.
આ અભિનેત્રીને લક્ઝરી ફેશન હાઉસ 'લૂઇ વિટોં' દ્વારા પેરિસ ફેશન વીકમાં ભાગ લેવા માટેનું આમંત્રણ મોકલવામાં આવ્યું હતું જે 3 માર્ચ સુધી ચાલવાનું છે. તાજેતરમાં કોરોના વાયરસના વધતા જતા કેસોને જોતાં દીપિકાએ તેની સફર રદ કરી છે.
દીપિકાના મેનેજરે કહ્યું કે દીપિકા પાદુકોણ હાલમાં ચાલી રહેલા પેરિસ ફેશન વીક અંતર્ગત લૂઇ વિટોંના ફેશન વીક 2020 ના કાર્યક્રમમાં ભાગ લેવા ફ્રાન્સ જઈ રહી હતી. જો કે ફ્રાન્સમાં કોરોના વાયરસની તાજેતરની પરિસ્થિતિને કારણે તેણે પોતાની સફર રદ કરી છે.
નોંધનીય છે કે ફિલ્મ '83' માં દીપિકા પાદુકોણ મોટા પડદે જોવા મળશે.