રણવીર સિંહ અને દીપિકા પાદુકોણના લગ્ન ગત વર્ષે 14 નવેમ્બરના થયા હતા. પોતાના લગ્નજીવનને એન્જોય કરી રહેલુ આ કપલ પોતાના કામ પર પણ ફોકસ કરે છે.
રણવીર અને દીપિકાના લગ્નના ફોટોઝ અને વીડિયોઝ લગભગ 1 મહિના સુધી સોશ્યલ મીડિયા પર વાયરલ થતા રહ્યા. તાજેતરમાં જ દીપિકાએ પોતાના લગ્નની ફોટોને લઇને એક કમેન્ટ પર શાનદાર જવાબ આપ્યો છે.
દીપિકાએ એક ઇન્ટરવ્યૂમાં જણાવ્યુ કે, જ્યારે અમારા લગ્ન થયા ત્યારે લોકોએ અલગ-અલગ મીમ્સ બનાવી રહ્યા હતા. કેટલાક લોકોએ અમારી જોડીની મજાક ઉડાવી તો કેટલાકએ રણવીરના ડ્રેસિંગ સેન્સની.. એક એવા ટ્વીટનો ઉલ્લેખ કરતા દીપિકાએ જબરદસ્ત જવાબ આપ્યો હતો.
એક ફેને રણવીર-દીપિકાની ફોટો પર ટ્વીટ કરીને પૂછ્યુ કે, ''રણવીર , દીપિકાના સેંથામાં ચટણી ભરશે, સિંદૂર નહીં. આ ટ્વીટ પર દીપિકાએ હવે કહ્યું હતું કે આવું થઈ શકે છે. તેને સ્પાઈસી ફૂડ ઘણું જ પસંદ છે. તે સાઉથ ઈન્ડિયન છે અને સ્પાઈસી ફૂડ પ્રત્યે તેનો લગાવ જોઈને આવું થઈ કે છે. તે તેને એટલો પ્રેમ કરે છે કે તેનો સ્પાઈસી ફૂડ પ્રત્યેનો પ્રેમ જોઈને તે આવું કંઈક કરે તો તેમાં કંઈ જ ખોટું નથી.''
તમને જણવી દઇએ કે, દીપિકા-રણવીર ફરી એક વખત સિલ્વર સ્ક્રીન પર કામ કરતા જોવા મળશે. ડિરેક્ટર કબીર ખાને દીપિકા અને રણવીરની ફિલ્મ '83'માં આ કપલ જોવા મળશે. ફિલ્મમાં રણવીર, કપિલ દેવનો રોલ કરતો જોવા મળશે, જ્યારે દીપિકા કપિલ દેવની પત્નીના રોલમાં જોવા મળશે. આ ફિલ્મ 1983માં ભારતે ક્રિકેટ વર્લ્ડકપ જીત્યો તેના પર છે. ફિલ્મમાં રણવીર સિંહે ક્રિકેટર કપિલ દેવની ભૂમિકા ભજવી છે. દીપિકા રોમી ભાટિયા (કપિલ દેવની પત્ની)ના રોલમાં છે. આ ઉપરાંત દીપિકા ‘છપાક’માં કામ કરી રહી છે. આ ફિલ્મમાં દીપિકા એક્ટર વિક્રાંત મેસી સાથે જોવા મળશે. મેઘના ગુલઝારની આ ફિલ્મ એસિડ એટેક સર્વાઈવર લક્ષ્મી અગ્રવાલના જીવન પર આધારિત છે. આ ફિલ્મને આવતા વર્ષે 10 જાન્યુઆરીએ રિલીઝ કરવામાં આવશે.