બોલિવુડના સ્ટાર કપલ દીપિકા પાદુકોણ અને રણવીર સિંહએ પોતાના ઑફિશ્યલ ઇન્સ્ટાગ્રામ એકાઉન્ટ પર પોસ્ટ શૅર કરીને લગ્નની તારીખ જાહેર કરી તે પછી તેમના ફેન્સ તેમના લગ્નની આતુરતાથી રાહ જોઇ રહ્યા છે. બંને છેલ્લા 6 વર્ષથી પોતાની રિલેશનશિપ પછી લગ્નના નિર્ણયથી તેમના ફેન્સ ખુશ થઇ ગયા છે.
દીપિકા-રણવીર 14-15 નવેમ્બરના ફેમિલી અને ફ્રેન્ડ્સની હાજરીમાં ઇટાલીના લેક કોમોમાં લગ્ન કરવા જઇ રહ્યા છે ત્યારે શુક્રવારે મોડી રાતે આ કપલ ઇટલી જવા માટે રવાના થઇ ચૂક્યુ છે ત્યારે તેમના એરપોર્ટ પર ફોટોઝ અને વીડિયોઝ સોશ્યલ મીડિયા પર વાયરલ થઇ રહ્યા છે.
મીડિયાની વચ્ચે રણવીરે એકદમ હીરોની સ્ટાઇલમાં એન્ટ્રી કરી હતી. એક્ટરે હાજર તમામ વ્યકિતનું અભિવાદન કર્યુ હતુ અને પાપારાઝીઓ માટે પોઝ આપ્યા હતા રણવીર વ્હાઇટ ડ્રેસ પહેર્યો હતો જ્યારે દીપિકા વ્હાઇટ ટર્ટલ નેક ટોપ અને વ્હાઇટ પેન્સિલ સ્કર્ટ પહેર્યુ હતુ અને સાથે જ ન્યૂડ પોઇન્ટેડ હીલ્સ પહેરી હતી. આ લૂકમાં તે ખૂબ જ સુંદર દેખાઇ રહી હતી.