મુંબઇ: રણબીર કપૂર અને દીપિકા પાદુકોણની જોડીને સિલ્વર સ્ક્રીનની હીટ જોડીઓમાંથી એક માનવામાં આવે છે. બંનેએ સાથે ઘણી હીટ ફિલ્મો આપી છે. રિયલ લાઇફમાં બ્રેકઅપ થયા બાદ પણ બંનેએ પ્રોફેશનલ રવૈયો અપનાવતા સાથે પ્રોજેક્ટ કરવાનું છોડ્યું નથી. હવે આ ઓનસ્ક્રીન જોડીના પ્રશંસકો માટે મોટી ખુશખબરી સામે આવી છે. જાણકારો પ્રમાણે આ બંને સ્ટાર્સ એક વખત ફરીથી સાથે કામ કરતા જોવા મળશે.
રિપોર્ટ્સનું માનીએ તો રણબીર કપૂર અને દીપિકા પાદુકોણ એક બ્રાન્ડ માટે સાથે એડ શૂટ કરશે. જો કે આ બ્રાન્ડ કઇ છે અને એની થીમ શું હશે એના માટેની કોઇ જાણકારી સામે આવી નથી. સત્તાવાર રીતે આ બંને સ્ટાર્સ તરફથી કોઇ નિવેદન સામે આવ્યું નથી.
જો કે એવી માહિતી પણ મળી છે કે રણબીર અને જીપિકા લવ રંજનની ફિલ્મમાં પણ જોડી જમાવતા જોઇ શકાશે. માનવામાં આવી રહ્યું છે કે આ જોડી ડાયરેક્ટર રંજનની પહેલી પસંદ છે. જો કે આ રિપોર્ટ્સને લઇને હાલ કોઇ સત્તાવાર નિવેદન સામે આવ્યું નથી.
વર્કફ્રંટની વાત કરીએ તો રણબીર કપૂર હાલ ફિલ્મ બ્રહ્માસ્ત્રના શૂટિંગમાં વ્યસ્ત છે. તો દીપિકા પાદુકોણ જલ્દી મેઘના ગુલઝારની ફિલ્મ છપાકમાં નજરે પડશે.