કાર્તિક આયર્ને દીપિકા પાદુકોણની ઈચ્છા પૂરી કરવા માટે પોતાના સોન્ગ 'ધીમે ધીમે'નો હુક સ્ટેપ તેને શીખવ્યો હતો. 'પતિ પત્ની ઔર વો'ના સોન્ગ પર દીપિકા અને કાર્તિક મુંબઈ એરપોર્ટની બહાર ડાન્સ કરતા જોવા મળ્યા હતા. આ બંને સ્ટાર્સ જ્યારે ડાન્સ સ્ટેપ્સ કરી રહ્યાં હતા ત્યારે ત્યાં ઘણાં લોકોની ભીડ એકઠી થઈ ગઈ હતી.
કાર્તિક અને દીપિકાને ડાન્સ કરતા જોઈ એરપોર્ટ બહાર એકઠી થઈ ભીડ
યુઝર્સે બંને સ્ટાર્સને કર્યા ટ્રોલ
કાર્તિકની 'પતિ પત્ની ઔર વો' 6 ડિસેમ્બરે રિલીઝ થશે
દીપિકા અને કાર્તિકનો આ ડાન્સ વીડિયો વાયરલ થવા પર સોશિયલ મીડિયામાં યુઝર્સ જાત-જાતની કમેન્ટ્સ કરી રહ્યાં છે. ઘણાંએ તો આ વીડિયો પર બંને સ્ટાર્સને ટ્રોલ પણ કર્યા. યુઝર્સે કહ્યું, કઈ રીતે એરપોર્ટ પર આ બંને સ્ટાર્સને ડાન્સ કરવાની પરમિશન મળી ગઈ. લોકોનું કહેવું છે કે એરપોર્ટ પર કામ વિના સામાન્ય વ્યક્તિને 5 મિનિટ ઊભા પણ રહેવા નથી દેવામાં આવતું, ત્યાં સ્ટાર્સ આ રીતે ડાન્સ કરીને ભીડ એકઠી કરે છે.
કાર્તિક આયર્ન, ભૂમિ પેડનેકર અને અનન્યા પાંડે સ્ટારર ફિલ્મ 'પતિ પત્ની ઔર વો' 6 ડિસેમ્બર રિલીઝ થવાની છે. આ ફિલ્મ 1978માં આવેલી ફિલ્મ 'પતિ પત્ની ઔર વો'ની રિમેક છે. જેમાં સંજીવ કુમાર, વિદ્યા સિન્હા અને રંજીતાએ મુખ્ય ભૂમિકા ભજવી હતી.