અલગ અલગ અટકળો વચ્ચે સૌરવ ગાંગુલીની એક પોસ્ટે 'મેગા બ્લોકબસ્ટર'ની પોલ ખોલી દીધી છે અને સમગ્ર મામલો સામે આવ્યો છે.
સૌરવ ગાંગુલીની એક પોસ્ટે 'મેગા બ્લોકબસ્ટર'ની પોલ ખોલી દીધી
ભૂલનો અહેસાસ થતાં સૌરવે તેની પોસ્ટ ડિલીટ કરી દીધી હતી
શું છે 'મેગા બ્લોકબસ્ટર'
હાલમાં જ બોલિવૂડની દુનિયાથી લઈને ક્રિકેટ જગત સુધીના ઘણા સેલેબ્સે 'મેગા બ્લોકબસ્ટર'ના પોસ્ટર અને હેશટેગ સાથે ઘણી પોસ્ટ શેર કરતાં નજર આવ્યા હતા, જેને જોઈને દરેક લોકો વિચારમાં પડી ગયા છે. શરૂઆતમાં એવું માનવામાં આવતું હતું કે 'મેગા બ્લોકબસ્ટર' કપિલ શર્માની નવી ફિલ્મ છે જેમાં તે દીપિકા પાદુકોણ અને રશ્મિકા મંદન્ના સાથે નજર આવશે પરંતુ હવે રોહિત શર્મા અને કાર્તિ જેવા ઘણા વધુ સેલિબ્રિટીઓએ આ વિશે તેમના ફોટો સાથે આ પોસ્ટ શેર કરી છે. એવામાં અલગ અલગ અટકળો વચ્ચે સૌરવ ગાંગુલીની એક પોસ્ટે 'મેગા બ્લોકબસ્ટર'ની પોલ ખોલી દીધી છે અને સમગ્ર મામલો સામે આવ્યો છે.
શું છે 'મેગા બ્લોકબસ્ટર'
તમને જણાવી દઈએ કે 'મેગા બ્લોકબસ્ટર' કોઈ ફિલ્મ, સિરીઝ કે ટીવી શો નથી પરંતુ ઈ-કોમર્સ કંપની મીશોનું પ્રમોશન કેમ્પેન છે, જેને ઘણા સેલિબ્રિટીઓ પ્રમોટ કરી રહ્યા છે. દરેક વ્યક્તિ 4 સપ્ટેમ્બરે ટ્રેલર રિલીઝ થવાની વાત કરીને લોકોને કન્ફ્યુઝ કર્યા હતા. લોકો વિચારી રહ્યા હતા કે આ કઈ ફિલ્મ/સિરીઝ કે શો બનાવવામાં આવી રહ્યો છે જેમાં આટલા બધા સેલિબ્રિટીઓ છે.
સૌરવ ગાંગુલીએ શું ભૂલ કરી
દીપિકા, રશ્મિકા, કપિલ, રોહિત વગેરેની જેમ સૌરવ ગાંગુલીએ 'મેગા બ્લોકબસ્ટર' માટે પોસ્ટ કરીને હતી પરંતુ કોપી-પેસ્ટ કરવાના ચક્કરમાં સૌરવ ગાંગુલીએ 'મેગા બ્લોકબસ્ટર'ની પોલ ખોલી નાખી હતી. સૌરવે તેના ટ્વિટર પોસ્ટમાં લખ્યું હતું કે 'આ કોપી પોસ્ટ કરો - આની શૂટિંગમાં મજા આવી. મારી નવી મેગા બ્લોકબસ્ટર ટૂંક સમયમાં રિલીઝ થવાની છે. એ સુનિશ્ચિત કરો કે MEESHO ની બ્રાન્ડિંગ અથવા હેશટેગનો ઉલ્લેખ 1લી સપ્ટેમ્બરની પોસ્ટમાં ક્યાંય કરવામાં ન આવે. ભૂલનો અહેસાસ થતાં સૌરવે તેની પોસ્ટ ડિલીટ કરી દીધી હતી, પરંતુ ત્યાં સુધીમાં તેના સ્ક્રીનશોટ વાયરલ થઈ ગયા હતા.
કેવી રીતે થઈ ભૂલ?
તમે પણ વિચારી રહ્યા હશો કે સૌરવ ગાંગુલી આ ભૂલ કેવી રીતે કરી તો તમને જણાવી દઈએ કે, 'જ્યારે પણ કોઈ સેલિબ્રિટી સોશિયલ મીડિયા પર કોઈ બ્રાન્ડને પ્રમોટ કરે છે, ત્યારે તેની પાસે તેને પ્રમોટ કરવા માટે પૂરતી માહિતી આવતી હોય છે જેને સોશિયલ મીડિયા પર કોપી પેસ્ટ કરવાની હોય છે. કોપી પેસ્ટ ટેક્સ્ટની સાથે સાથે બીજી ઘણી માહિતી પણ આવતી હોય છે શું કરવું અને પોસ્ટ કરતી વખતે શું ધ્યાનમાં રાખવું. સૌરવને પણ સોશિયલ મીડિયા પર કોપી પેસ્ટ કરવા માટે માહિતી મળી હતી પરંતુ ભૂલથી એમને એ કન્ટેન્ટ સિવાય સોશિયલ મીડિયા પર બીજી માહિતી કોપી કરીને શેર કરી દીધી હતી.