ભારતનો ઇન ફોર્મ ખેલાડી દીપક પુનિયા કઝાખસ્તાનમાં ચાલી રહેલી વિશ્વ કુશ્તી ચેમ્પિયનશીપની ફાઈનલ મેચમાં પહોચ્યા બાદ ઈજાગ્રસ્ત થયો હતો. ત્યાર બાદ એવી સત્તાવાર જાહેરાત થઇ હતી કે તે પગની ઈજાના કારણે ફાઈનલ નહિ રમી શકે.
વિશ્વ કુશ્તી ચેમ્પિયનશીપમાં ભારતનું ગોલ્ડનું સપનું રોળાયું
ફાઈનલમાં પહોચેંલા સ્ટાર ખેલાડી દીપક પુનિયા ઈજાના કારણે બહાર
વિશ્વ કુશ્તી ચેમ્પિયનશીપની ફાઈનલ મેચ ઉપર સમગ્ર દેશની નજર હતી. ભારતના સ્ટાર ખેલાડી દીપક પુનિયાનો સામનો ઈરાનના હસન રાજદાની સાથે થવાનો હતો. ૮૬ કિલોગ્રામના વર્ગમાં દીપક પુનિયાની કારકિર્દીની આ પહેલી વિશ્વ કુશ્તી ચેમ્પિયનશીપની સીઝન હતી જેમાં તેણે ફાઈનલમાં પહોંચીને ઈતિહાસ રચી દીધો. તેણે સેમિફાઇનલમાં સ્ટીફન સેઇચ્મુથને ૮-૨થી હરાવીને ફાઈનલમાં પોતાનું સ્થાન અને સિલ્વર મેડલ નિશ્ચિત કરી દીધો હતો. કમનસીબે તેના ડાબા પગ અને આંખમાં ઈજા થતા તે ફાઈનલમાં નહિ રમી શકે. આથી ભારતે આ વખતે સિલ્વર મેડલથી જ સંતોષ માનવો પડશે. જો આજે તે ગોલ્ડ મેડલ જીતી શકત તો તે સુશીલ કુમાર પછી વિશ્વ કુશ્તી ચેમ્પિયનશીપમાં ગોલ્ડ મેડલ જીતનાર બીજો ભારતીય બની જાત અને વિશ્વ કુશ્તી ચેમ્પિયનશીપમાં ગોલ્ડ મેડલ જીતનાર સૌથી યુવા ભારતીય બની જાત.
ઓલેમ્પીક્સમાં પહેલેથી પોતાનું સ્થાન નિશ્ચિત કરાવી દીધું છે
હાલમાં જ જુનીયર વિશ્વ ચેમ્પિયનશીપ જીતીને અને વિશ્વ કુશ્તી ચેમ્પિયનશીપમાં ફાઈનલ સુધી પહોચીને દીપક પુનિયાએ પોતાનું ફોર્મ સાબિત કરી દીધું છે. તે ટોક્યો ઓલેમ્પીકમાં કુશ્તી માટે વીનેશ ફોગાટ, બજરંગ પુનિયા અને રવિ કુમાર દહિયા બાદ ચોથો ભારતીય બની ગયો છે.