IPLIN
 

Tokyo 2020 / છેલ્લી 10 સેકન્ડમાં કુશ્તીમાં દિપક પૂનિયાએ ગુમાવ્યો બ્રોન્ઝ મૅડલ, સેનમારિનાના પહેલવાન સામે થઇ હાર

Team VTV 05:05 PM, 05 Aug 21 | Updated: 05:50 PM, 05 Aug 21
Follow us
deepak puniya loss the fight

દિપક પૂનિયાએ બ્રોન્ઝ મૅડલ જીતવા માટે ખુબ પ્રયત્ન કર્યો હતો પરંતુ રેસલરને હારનો સામનો કરવો પડ્યો છે.

  • દિપક પુનિયાના હાથમાંથી સરક્યો બ્રોન્ઝ મૅડલ
  • 10 સેકન્ડમાં જીતેલી બાજી પલટાઇ ગઇ
  • 2-0થી આગળ ચાલી રહ્યો હતો પુનિયા 

દિપક પૂનિયા બ્રોન્ઝ મૅડલ માટે દંગલ લડ્યા હતા. નઝીમ અને દિપકે જોરદાર ફાઇટ રમી હતી અને દિપક 2 પોઇન્ટથી શરૂઆત કરી હતી પરંતુ છેલ્લી 10 સેકન્ડમાં બાજી પલટાઇ ગઇ હતી. ટોક્યો ઓલિમ્પિક્સના 14મા દિવસે ભારતને હોકી અને કુશ્તીમાં સફળતા મળી છે. રેસલર રવિ દહિયાએ ભારતના ખાતામાં વધુ એક મૅડલ નોંધાવ્યો છે જ્યારે રેસલર દિપક પૂનિયાની હાર થઇ છે. 

 

 

આજે રવિ કુમાર દહિયાને મળ્યો સિલ્વર મેડલ

ટોક્યો ઓલિમ્પિક્સમાં આજે ભારતીય પહેલવાન રવિ કુમાર અને રુસના રેસલર જાવુર વચ્ચે ખરાખરીનો જંગ ખેલાયો હતો પરંતુ રવિ કુમાર ગોલ્ડ મેડલ જીતી શક્યા નહી.

રુસનો પહેલવાન જાવુર 2 વારનો વર્લ્ડ ચેમ્પિયન રહ્યો છે અને હવે ઓલિમ્પિક્સમાં ગોલ્ડ મેડલ હાંસલ કરીને તેના દેશનું નામ રોશન કર્યુ છે. રવિ કુમારે શાનદાર ફાઇટ રમી પરંતુ તેઓ ભારત માટે ગોલ્ડ મેડલ ન લાવી શક્યા.  રવિ કુમારે સિલ્વર મૅડલથી જ સંતોષ માનવો પડ્યો હતો.

86 કિલો કેટેગરીમાં દિપક પૂનિયા
દિપક પૂનિયાએ આજે બ્રોન્ઝ મૅડલ માટે ફાઇટ રમી હતી. જેમાં તે 86 કિલો કેટેગરીમાં નઝીમ નામના રેસલર સાથે લડ્યા હતા. ભારતના લાખો લોકોની આશા દિપક પૂનિયા પર હતી અને તેમણે જોરદાર લડત પણ આપી હતી. 

 

 

આગળ ચાલી રહ્યાં હતા દિપક 
દિપક પૂનિયા જ્યારે લડવા માટે રિંગમાં ઉતર્યા ત્યારે 2-0 પોઇન્ટથી આગળ ચાલી રહ્યાં હતા. બાદમાં ઓપોઝીટ રેસલરે પણ 1 પોઇન્ટ કર્યો હતો. 

10 સેકન્ડમાં મળી હાર 
દિપક પૂનિયાના હાથમાં જીત હતી અને છેલ્લી 20 સેકન્ડ સુધી સ્કોર 2-1 જ હતો પરંતુ વધેલી 10 સેકન્ડમાં પુનિયાના હાથમાંથી બાજી સરકી ગઇ હતી. થોડી જ સેકન્ડ માટે પુનિયાના હાથમાં આવેલો બ્રોન્ઝ મૅડલ જતો રહ્યો હતો. 

Deepak Punia Tokyo Olympics 2020 ravi dahiya sports
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ