દુર્ઘટના / વડોદરાના નંદેસરી GIDCમાં દીપક ઇન્ડસ્ટ્રીઝમાં એક બાદ એક 5 મોટા ધડાકા, લાગી ભયંકર આગ, ફાયર વિભાગ ઘટનાસ્થળે

• નંદેસરી GIDCની કેમિકલ કંપનીમાં 5 મોટા બ્લાસ્ટ
• નંદેસરી ફાયર બ્રિગેડની ત્રણ ગાડીઓ ઘટના સ્થળે 
• આ ઘટનામાં 10થી વધુ લોકો ઇજાગ્રસ્ત થયા

વડોદરાના નંદેસરી GIDCમાં આવેલી દીપક નાઈટ્રોજન નામની ખાનગી કેમિકલ કંપનીમાં બોઇલર ફાટતા ભીષણ આગ લાગી છે. કંપનીમાં એક બાદ એક પાંચ જેટલા મોટા ધડાકા થયા હતા. ધડાકા થતા જ સમગ્ર વિસ્તારની ધરા ધ્રૂજી ઉઠી હતી.

વડોદરાઃ નંદેસરીમાં દીપક ઇન્ડસ્ટ્રીઝમાં બ્લાસ્ટ સાથે આગ લાગી, કેમિકલ કંપનીમાં હોવાથી થઇ રહ્યા છે બ્લાસ્ટ, નંદેસરી ફાયર વિભાગની 3 ગાડીઓ ઘટનાસ્થળે#Vadodara #Fire #firefighters pic.twitter.com/5GNftBzb2T

— VTV Gujarati News and Beyond (@VtvGujarati) June 2, 2022

બ્લાસ્ટ બાદ આગ લાગતા આસપાસની કંપનીઓને પણ નુકસાન પહોંચ્યું છે. કંપનીમાં બ્લાસ્ટ એટલો ભયંકર હતો કે 5 કિલોમીટર દૂરથી આગ અને ધૂમાડાના ગોટેગોટા નજરે પડી રહ્યા છે.  

હાલ આગ પર કાબૂ મેળવવા માટે નંદેસરી ફાયર વિભાગની 3 ગાડીઓ પ્રયાસ કરી રહી છે. તો આગ હજુ મોટું સ્વરૂપ ન લે અને પ્રસરે નહીં તે માટે મેજર કોલ જાહેર કરી દેવામાં આવ્યો છે. નંદેસરીની આસપાસના ફાયર સ્ટેશનોથી પણ તાત્કાલિક ગાડીઓને બોલાવવામાં આવી છે. 

મળતી માહિતી અનુસાર હજુ સુધી કોઈ જાનહાનિના સમાચાર મળ્યા નથી. પરંતુ આ ઘટનામાં 10થી વધુ લોકો ઇજાગ્રસ્ત થયા છે. તો બીજી તરફ નંદેસરી ખાલી કરવાના આદેશ અપાયા હોવાની અફવાએ જોર પકડતા હાલ અફરાતફરીનો માહોલ સર્જાયો છે.