ક્રિકેટ / કૃણાલ પંડ્યાએ ગાળો અને ધમકી આપ્યાના આરોપ સાથે આ ખેલાડીએ ટીમમાંથી નામ પાછું લીધું

• બરોડાની ટીમ માટે જોરદાર આંચકો
• દિપક હૂડાએ છેલ્લી ઘડીએ પોતાનું નામ ખેંચ્યું પરત
• કપ્તાન કુણાલ પંડ્યા સાથેના વિવાદ કારણ હોવાનું ખુલ્યું

ઉલ્લેખનીય છે કે, બરોડાના ટોચના ખેલાડીઓમાંના એક દિપક હૂડાએ છેલ્લી ક્ષણે સમગ્ર ટૂર્નામેન્ટમાંથી પોતાનું નામ પાછું ખેંચી લીધું છે. દિપક હૂડાએ આ નિર્ણય કેપ્ટન કૃણાલ પંડ્યા સાથેના વિવાદ બાદ લીધો હતો. જણાવી દઇએ કે, જ્યારે ગત સપ્તાહે બરોડા ક્રિકેટ એસોસિએશન (બીસીએ) એ 22-સભ્યોની ટીમની જાહેરાત કરી હતી, ત્યારે હુડાને ટીમના વાઇસ કેપ્ટન તરીકે બનાવવામાં આવ્યા હતા.

પ્રેક્ટિસ દરમિયાન થયો હતો મોટો વિવાદ

તે સમજી શકાય તેવું છે કે રવિવારે મેચ પહેલા કૃણાલ પંડ્યા અને દિપક હૂડા વચ્ચે વડોદરાના રિલાયન્સ સ્ટેડિયમમાં પ્રેક્ટિસ દરમિયાન મોટો વિવાદ થયો હશે. હુડાએ બીસીએને એક ઈ-મેલ લખીને જણાવ્યું હતું કે, કૃણાલ પંડ્યાએ તેની સાથે અભદ્ર વર્તન કર્યું (તેવું કહ્યું હતું) અને એમ પણ લખ્યું હતું કે તે આગામી ટી -20 ટૂર્નામેન્ટમાં તેની સાથે નહીં રમે. એવા અહેવાલ મળી રહ્યા છે કે કૃણાલ પંડ્યાએ વિવાદ દરમિયાન દીપક હૂડાને ધમકી પણ આપી હતી.

બરોડા માટે જોરદાર આંચકો

એવા અહેવાલો છે કે દિપક હૂડા ઘણા માનસિક તણાવમાં છે. બરોડાએ રવિવારે મેચ માટે 17 સભ્યો ધરાવતી ટીમની જાહેરાત કરી હતી અને દીપક હૂડા તેનો ભાગ નથી. બરોડા માટે આ મોટો ફટકો છે કેમ કે હૂડાને 46 ફર્સ્ટ ક્લાસ, 68 લિસ્ટ એ અને 123 ટી 20 મેચનો અનુભવ છે. બરોડાએ પહેલેથી જ અનુભવી યુસુફ પઠાણને ટીમમાંથી બાકાત રાખ્યો છે. આવી સ્થિતિમાં, આ રાજ્યના ક્રિકેટની ઘરેલુ સીઝન શરૂ થતાં પહેલા સારી અસર નહીં પડે.