ગઈકાલની શ્રીલંકા સામેની પહેલી ટી-20માં દિપક હૂડા એમ્પાય પર ગરમ થયો હતો અને તેમને ગાળો આપી હતી.
શ્રીલંકા સામેની ટી-20 મેચમાં દીપક હૂડા થયો ગરમ
વાઈડ બોલ પર વિકેટ ન મળતાં એમ્પાયર પર તાડૂક્યો
ગાળો પણ બોલ્યો
ભારત અને શ્રીલંકા વચ્ચેની ટી-20 સિરીઝની પ્રથમ મેચ મુંબઈમાં રમાઈ હતી. ભારતે છેલ્લા બોલ પર 2 રનથી મેચ જીતી લીધી હતી. પ્રથમ બેટિંગ કરતા હાર્દિક પંડ્યાની કેપ્ટનશિપવાળી ટીમ ઇન્ડિયાએ 162 રન બનાવ્યા હતા. એક સમયે ટીમે 94 રનમાં 5 વિકેટ ગુમાવી દીધી હતી. પરંતુ દીપક હૂડાએ અક્ષર પટેલ સાથે મળીને ટીમને 160ને પાર પહોંચાડી હતી.
દીપક હુડ્ડાએ ગુમાવ્યો પિત્તો
દીપક હુડ્ડાએ છેલ્લી ઓવરમાં ઝડપી રન બનાવ્યા હતા. 18મી ઓવરનો 5મો બોલ વાઈડ લાઈનની બહાર હતો. દીપક પહેલા બોલને રમવા માટે ઓફ સ્ટમ્પની બહાર આવ્યો હતો પરંતુ પછી તેને છોડી દીધો હતો. અમ્પાયરે તેને વાઈડ આપ્યો નથી. આ અંગે દીપક હુડ્ડાએ એમ્પાયરની સામે ઈશારો કર્યો હતો અને તેમનું ધ્યાના દોર્યું હતું પરંતુ તેમની તરફથી કોઈ રિસ્પોન્સ મળતાં હૂડા ગરમ થયો હતો અને એમ્પાયરને ગાળ આપી બેઠો હતો.
68 રનની ભાગીદારી
દીપક હૂડા અને અક્ષર પટેલે છઠ્ઠી વિકેટ માટે 68 રનની ભાગીદારી હતી. હાર્દિક પંડ્યાના આઉટ થયા બાદ ટીમ મુશ્કેલીમાં આવી ગઈ હતી. પરંતુ હૂડા અને અક્ષર પટેલની જોડીએ બાજી સંભાળી અને ઝડપથી રન બનાવતા 68 રનની ભાગીદારી કરી.