ઈજાગ્રસ્ત હોવાને કારણે IPL 2022થી બહાર થતા દીપક ચહરે ફેન્સ માટે એક ઈમોશનલ પોસ્ટ લખી છે. જુઓ આ પોસ્ટ
IPL 2022થી બહાર થયા દીપક ચહર
ફેન્સ સાથે શેર કરી ઈમોશનલ પોસ્ટ
માંગી ફેન્સની માફી
IPL 2022થી બહાર થયા દીપક ચહર
ચેન્નાઈ સુપર કિંગ્સનાં ઓલરાઉન્ડર દીપક ચહરે IPL 2022થી બહાર થયા બાદ પોતાના ફેન્સ માટે એક ઈમોશનલ સંદેશ લખ્યો છે. આ સંદેશમાં તેમણે IPL ન રમી શકવા માટે ફેન્સની માફી માંગી છે. તેમણે એ પણ કહ્યું છે કે તેઓ હવે સ્વસ્થ અને મજબૂત થઈને જ ક્રિકેટમાં પાછા ફરશે.
ફેન્સ સાથે શેર કરી ઈમોશનલ પોસ્ટ
દીપક ચહર લખે છે કે મને માફ કરજો. એક ઈજાને કારણે હું IPLની આ સીઝનમાં નહી રમી શકું. હું રમવા માંગતો હતો પરંતુ તેમ ન બની શક્યું. હવે હું સ્વસ્થ અને મજબૂત થઈને જ પાછો ફરીશ, જેવી રીતે હું દરેક વખતે આવું છું. આટલા પ્રેમ અને સપોર્ટ માટે ધન્યવાદ. મને તમારી પ્રાર્થનાઓની જરૂર છે.
આ વર્ષે 20 ફેબ્રુઆરીનાં રોજ વેસ્ટઇન્ડીઝ વિરુદ્ધ કોલકાતામાં રમવામાં આવેલ T20 સીરીઝ દરમિયાન, દીપક ચહરને પગમાં ઈજા થઇ હતી. તેમના ક્વાડ્રીસેપ્સ મસલ્સને ઈજા પહોંચી હતી. રિહેબ માટે તેઓ નેશનલ ક્રિકેટ એકેડમીમાં હતા. અહી પગની ઈજાની સારવાર ચાલી રહી હતી એવામાં દીપકની પીઠ પણ ઈજાગ્રસ્ત થઇ ગઈ.
ચેન્નાઈ સુપર કિંગ્સે IPL મેગા ઓક્શનમાં દીપક ચહરને 14 કરોડમાં ખરીદ્યા હતા. તેઓ આ સીઝનના ઓક્શનમાં સૌથી મોંઘા વહેંચાવાવાળા બીજા ખેલાડી રહ્યા છે. ગયા વર્ષે પણ દીપક ચહર ચેન્નાઈનો હિસ્સો હતા, પરંતુ ફ્રેન્ચાઈસીએ તેમને રિટેન કર્યા ન હતા. ત્યાર બાદ મેગા ઓક્શનમાં દીપક ચહર પર બોલી લગાવીને તેમને ટીમ સાથે જોડવામાં આવ્યા હતા.
ચેન્નાઈ સુપર કિંગ્સને પડી રહી છે તકલીફ
દીપકની ગેરહાજરીમાં ચેન્નાઈની ટીમને તકલીફ પડતી જોવા મળી રહી છે. ટીમની ઝડપી બોલિંગ નબળી જોવા મળી રહી છે. બેટિંગમાં પણ કંઈ ખાસ જોવા મળી રહ્યું નથી. આ જ કારણ છે કે સીઝનની શરૂઆતમાં એક પછી એક સતત ચાર મેચમાં હાર મળી હતી. જો દીપક ચહર ટીમનો હિસ્સો હોત, તો બોલિંગ સાથે બેટિંગમાં ઘણા કામમાં આવ્યા હોત. દીપક ડેથ ઓવર્સમાં તો શાનદાર બોલિંગ કરે જ છે, આ સાથે જ તેઓ બેટિંગમાં પણ મોટા મોટા શોટ્સ ફટકારવાનો દમ રાખે છે.