રિયલ એસ્ટેટ ઉદ્યોગમાં ફરી વખત માંગમાં વધારો જોવા મળી રહ્યો છે પરંતુ કોરોના મહામારીએ કોમર્શિયલ રિયલ એસ્ટેટને ગંભીર ફટકો પડ્યો
કોમર્શિયલ રિયલ એસ્ટેટને ગંભીર ફટકો
શો-રૂમ અને ઓફિસની માંગમાં વધારો
ડેવલપરોએ ઓફરો જાહેર કરી
કોરોના મહામારીની બીજી લહેર ઘટી રહી છે ત્યારે રિયલ એસ્ટેટ ઉદ્યોગમાં ફરી વખત માંગમાં વધારો જોવા મળી રહ્યો છે. એફોર્ડેબલ અને લક્ઝરી હાઉસિંગ પ્રોજેક્ટ્સમાં ફિઝિકલ ઇન્ક્વાયરીમાં વધારો થયો છે. જોકે, કોરોના મહામારીએ કોમર્શિયલ રિયલ એસ્ટેટને ગંભીર ફટકો માર્યો છે અને આ સેગમેન્ટમાં હજુ પણ માંગ નીચી જોવા મળી રહી છે. રિટેલ શો-રૂમ અને ઓફિસની માંગમાં વધારો જોવા મળી રહ્યો નથી.
શહેરમાં નવા પ્રોજેક્ટ્સની સંખ્યામાં ઘટાડો થયો છે અને કોવિડના કારણે લોકોની રેસિડેન્શિયલ માટેની માંગમાં બદલાવ આવી રહ્યો છે પરંતુ જમીન અને રો-મટિરિયલના ભાવમાં વધારો થવાથી પ્રોપર્ટીના ભાવમાં પણ વધારો થયો છે. ત્યારે ડેવલપરોએ રથયાત્રાને ધ્યાને રાખીને ઓફરો પણ જાહેર કરી છે. સ્ટેમ્પ ડ્યૂટીમાં માફી, ફ્રી સોનાના સિક્કા તથા એલઇડી ટીવી સહિતની અનેક સ્કિમ લોન્ચ કરી છે. જોકે, રિયલ એસ્ટેટનો એક વર્ગ માને છે કે કોરોનાના કારણે અર્થતંત્રને વ્યાપક નુકસાન થયું છે ત્યારે કોમર્શિયલ પ્રોજેક્ટ્સ માટે મુશ્કેલ સમય ચાલુ રહેશે.