જમ્મુ કાશ્મીરના બનિહાલમાં એક આઘાતજનક ઘટના સામે આવતા લોકોમાં ભારે નવાઈ ફેલાઈ છે.
જમ્મુ કાશ્મીરના બનિહાલની ચમત્કારી ઘટના
જન્મના અડધા કલાકમાં બાળકીને મૃત જાહેર કરાઈ
પરિવારે કબ્રસ્તાનમાં દફનાવી
સ્થાનિકોએ વિરોધ કરતા બાળકીની લાશ બહાર કઢાઈ
પરંતુ બાળકી જીવતી મળી આવી
જમ્મુ કાશ્મીરના બનિહાલમાં એક ચમત્કારીક ઘટના બનતા લોકોમાં ભારે કુતુહલ ફેલાયું હતું. બનિહાલની હોસ્પિટલમાં સોમવારે એક બાળકીનો જન્મ થયો પરંતુ જન્મતાની સાથે જ બાળકીને ડોક્ટરો દ્વારા મૃત જાહેર કરવામાં આવી હતી. આથી પરિવાર તેને દફનાવી દીધી હતી પરંતુ દફનના અડધા કલાક બાદ બાળકી જીવતી મળી આવતા લોકોમાં ભારે કુતુહલ ફેલાયું હતું અને આ કેવી રીતે બન્યું તેને લઈને લોકોમાં મોટી જિજ્ઞાસા જાગી હતી.
જન્મના અડધા કલાકમાં બાળકીને મૃત જાહેર કરાઈ
સ્થાનિક સ્તરેથી પ્રાપ્ત થતી વિગતો અનુસાર, બનિહાલની એક સરકારી હોસ્પિટલમાં બશરત અહેમદ ગુજ્જરની પત્ની શમીમા બેગમની કુદરતી ડિલિવરી થતા તેણે એક બાળકીને જન્મ આપ્યો હતો. આ કપલ રામબન જિલ્લાના બનિહાલથી 3 કિમી દુર આવેલા એક ગામડાના રહેવાશી હતું. જન્મ થયાના બે કલાક સુધી બાળકીની કોઈ સારવાર કરાઈ નહોતી અને તેને મરેલી જાહેર કરી દેવાઈ હતી.
Baby girl who was declared dead at hospital in J&K's Banihal soon after birth this morning was found to be alive when family was forced to dig up her grave nearly hour after she was buried, officials say. Locals had objected to her burial in their graveyard.
કબરમાં દફનાવવાનો સ્થાનિકોએ કર્યો વિરોધ તો બાળકીની લાશને બહાર કાઢી લેવાઈ
પરિવારે પણ ભારે હૃદય બાળકીને તેમના ગામના કબ્રસ્તાનમાં જઈને દફનાવી દીધી હતી. પરંતુ કેટલાક સ્થાનિકો તેમના કબ્રસ્તાનમાં બાળકીના દફનનો વિરોધ કર્યો અને બાળકીને કબરમાંથી કાઢી લેવાનું જણાવ્યું હતું. ભારે વિરોધને પગલે પરિવાર પાસે બાળકીને કબરમાંથી બહાર કાઢીને બીજે દફનાવવા સિવાય બીજો કોઈ આરો નહોતો.
જે કબરમાં દફનાવી હતી તેમાં જીવતી જોવા મળી બાળકી
આથી પરિવારે બીજે ઠેકાણે કબર ગાળી હતી પરંતુ જેવા તેઓ પહેલી કબરમાંથી બાળકીની લાશ બહાર કાઢવા ગયા ત્યારે તેમના પગ નીચેથી જમીન સરકી ગઈ હોય તેવો આઘાત લાગ્યો હતો. બાળકી કબરમાં જીવતી હતી અને પરિવારે તેના રડવાનો અવાજ સાંભળ્યો હતો.
હોસ્પિટલે બે કર્મચારીઓને બરખાસ્ત કર્યાં
આ ઘટના બાદ પરિવારે હોસ્પિટલના કર્મચારીઓ અને ડોક્ટરોની સામે ભારે વિરોધ કરીને પ્રદર્શન કર્યું હતું અને જવાબદાર સામે પગલાં ભરવાની માગ કરી હતી. હોસ્પિટલે પણ આ ઘટનાને ગંભીર ગણીને બે કર્મચારીઓને બરખાસ્ત કરી દીધા હતા.